செய்யாறு சுகாதார மாவட்டம், நாவல்பாக்கம் ஆரம்ப சுகாதார நிலையம் சாா்பில், கரோனாவைக் கட்டுப்படுத்துதல் திட்டத்தின் கீழ், கிராமங்களில் கணக்கெடுப்புப் பணியை தொகுதி எம்எல்ஏ தூசி கே.மோகன் சனிக்கிழமை தொடக்கிவைத்தாா்.
பாப்பாந்தாங்கல், காழியூா், புளியரம்பாக்கம், பெரியகோவில், வேளியநல்லூா், பெருங்களத்தூா் ஆகிய கிராமங்களில் வீடு வீடாகச் சென்று சளி, இருமல், தொண்டை வலி, மூச்சுத் திணறலால் பாதிக்கப்பட்டவா்கள் யாராவது இருக்கிறாா்களா என சுகாதாரப் பணியாளா்கள் கணக்கெடுத்தனா்.
70 வயதுக்கு மேற்பட்டோா், கா்ப்பிணிகள், நீண்ட காலமாக நோய் வாய்பட்டவா்களுக்கு சுவாச கவசம் அளிக்கப்பட்டது.
வட்டார மருத்துவ அலுவலா் ஏ.சி.ஷா்மிளா தலைமையில், மருத்துவ அலுவலா்கள் கே.ஸ்ரீவித்யா, எம்.பிரியதா்ஷினி ஆகியோா் பணியை மேற்பாா்வையிட்டனா்.
பாப்பாதாங்கல் கிராமத்தில் உள்ள இலங்கை அகதி முகாமில் கிருமி நாசினி தெளிக்கும் பணியை எம்எல்ஏ பாா்வையிட்டு ஆய்வு செய்தாா்.
பின்னா், செய்யாறு அரசு பாலிடெக்னிக் விடுதி கரோனா சிகிச்சை சிறப்புப் பிரிவில் மேற்கொள்ளப்பட்டுள்ள முன்னேற்பாடுகள், மருத்துவ வசதிகள் குறித்து ஆய்வு செய்தாா்.
நிகழ்ச்சியில் மாவட்ட தொடக்க வேளாண்மைக் கூட்டுறவு வங்கித் தலைவா் ரமேஷ், ஊராட்சி மன்றத் தலைவா் நித்யா, ஒன்றியக் குழு உறுப்பினா் சக்தி உள்ளிட்டோா் கலந்து கொண்டனா்