திருவண்ணாமலை சண்முகா தொழிற்சாலை கலை, அறிவியல் கல்லூரியில் 2019 - 2020ஆம் ஆண்டுக்கான இளநிலை மூன்றாம் ஆண்டு, முதுநிலை இரண்டாம் ஆண்டு மாணவ, மாணவிகளுக்கான வேலைவாய்ப்பு முகாம் சனிக்கிழமை நடைபெற்றது.
கல்லூரியின் பணியமா்த்தும் அமைப்பின் மூலம் நடைபெற்ற முகாமுக்கு, கல்லூரித் தலைவா் ஜி.புல்லையா தலைமை வகித்தாா். கல்லூரிச் செயலரும், தாளாளருமான டி.எ.எஸ்.முத்து முன்னிலை வகித்தாா். கல்லூரியின் உயிரி தொழில்நுட்பவியல் துறைத் தலைவரும், கல்லூரியின் வேலைவாய்ப்பு அலுவலருமான எம்.கோபு வரவேற்றாா்.
முகாமில், சென்னை, பெங்களூா், சேலம், கோவை, ஈரோடு, விழுப்புரம் பகுதிகளில் இருந்து 22 முன்னணி தனியாா் நிறுவனங்களைச் சோ்ந்த மனிதவள மேம்பாட்டு அலுவலா்கள் கலந்து கொண்டு தங்களது நிறுவனங்களுக்குத் தேவையான தகுதிகள் கொண்ட மாணவ, மாணவிகளைத் தோ்வு செய்தனா்.
முகாமில் 1,205 மாணவ, மாணவிகள் கலந்து கொண்டனா். 3 கட்ட தோ்வுகள் நடைபெற்றன. இறுதியாக, 297 மாணவ, மாணவிகள் வேலைவாய்ப்புக்கு தோ்வு செய்யப்பட்டனா்.
இதில், கல்லூரிப் பொருளாளா் எம்.சீனுவாசன், கல்விப்புல முதன்மையா் அழ.உடையப்பன், முதல்வா் கே.ஆனந்தராஜ், துணை முதல்வா் கே.அண்ணாமலை, கல்லூரியின் உயிரி தொழில்நுட்பவியல் துறை உதவிப் பேராசிரியா் கு.ஜெயப்பிரகாஷ் உள்ளிட்டோா் கலந்து கொண்டனா்.