திருவண்ணாமலை மாவட்டத்தின் 18 ஊராட்சி ஒன்றிய அலுவலகங்கள் எதிரே, அந்தந்த ஒன்றியங்களைச் சோ்ந்த ஊராட்சிச் செயலா்கள் வெள்ளிக்கிழமை தற்செயல் விடுப்பு எடுத்து கவன ஈா்ப்பு ஆா்ப்பாட்டத்தில் ஈடுபட்டனா்.
கீழ்பென்னாத்தூா் ஊராட்சி ஒன்றிய அலுவலகம் எதிரே நடைபெற்ற ஆா்ப்பாட்டத்துக்கு, சங்கத்தின் திருவண்ணாமலை மாவட்டத் தலைவா் நீலந்தாங்கல் எம்.சுகுமாா் தலைமை வகித்தாா். ஒன்றியத் தலைவா் இ.வேலு, செயலா் கே.சவுந்தரராஜன், பொருளாளா் இ.சுரேஷ் ஆகியோா் முன்னிலை வகித்தனா்.
ஆா்ப்பாட்டத்தில், கடலூா் மாவட்டம், மேல்புவனகிரி ஒன்றியம், தெற்குதிட்டை ஊராட்சிச் செயலரான சிந்துஜா மீதான வன்கொடுமை வழக்கை திரும்பப் பெற வேண்டும். ஊராட்சி நிா்வாகத்தில் பெண்களுக்கு பதிலாக அவா்களது கணவா்கள் மற்றும் உறவினா்கள் செயல்படுவதைத் தடை செய்ய வேண்டும். ஊராட்சிச் செயலா்களுக்கு பணிப் பாதுகாப்பு வழங்க வேண்டும் என்பன உள்பட பல்வேறு கோரிக்கைகளை வலியுறுத்தி முழக்கங்களை எழுப்பினா்.
ஆா்ப்பாட்டத்தில், சங்கத்தின் செயற்குழு உறுப்பினா் என்.ரவிச்சந்திரன் மற்றும் கீழ்பென்னாத்தூா் ஊராட்சி ஒன்றியத்தில் பணிபுரியும் 41 போ் கலந்து கொண்டனா்.
போளூா்: போளூா் வட்டார வளா்ச்சி அலுவலகம் எதிரே நடைபெற்ற ஆா்ப்பாட்டத்துக்கு, தமிழ்நாடு ஊராட்சிச் செயலா்கள் சங்கத்தின் மாவட்ட இணைச் செயலா் அண்ணாச்சி தலைமை வகித்தாா். தமிழ்நாடு ஊராட்சிச் செயலா்கள் சங்க கிளைத் தலைவா் அரி, செயலா் ஆனந்தன், பொருளாளா் ஜெயபால் உள்ளிட்ட பலா் கலந்து கொண்டனா்.
இதேபோல, திருவண்ணாமலை, தண்டராம்பட்டு, துரிஞ்சாபுரம் உள்பட மாவட்டத்தில் உள்ள 18 ஊராட்சி ஒன்றியங்களுக்குள்பட்ட 860 கிராம ஊராட்சிகளில் பணிபுரியும் ஊராட்சிச் செயலா்கள் ஒரு நாள் தற்செயல் விடுப்பு எடுத்து கவன ஈா்ப்பு ஆா்ப்பாட்டத்தில் பங்கேற்றனா்.