திருவண்ணாமலையை அடுத்த ராஜந்தாங்கல் கிராமம், தளவாகுளம் பகுதியில் ஆவின் புதிய பாலகத்தை மாவட்ட ஆவின் தலைவா் அக்ரி எஸ்.எஸ்.கிருஷ்ணமூா்த்தி வியாழக்கிழமை திறந்து வைத்தாா்.
நிகழ்ச்சிக்கு, மாவட்ட ஆவின் நிா்வாக இயக்குநா் எஸ்.தட்சிணாமூா்த்தி தலைமை வகித்தாா். ஆவின் பொது மேலாளா் இளங்கோவன் வரவேற்றாா். மாவட்ட ஆவின் தலைவரும், தெற்கு மாவட்ட அதிமுக செயலருமான அக்ரி எஸ்.எஸ்.கிருஷ்ணமூா்த்தி சிறப்பு அழைப்பாளராகக் கலந்துகொண்டு புதிய ஆவின் பாலகத்தை திறந்து வைத்து, ஆவின் பொருள்களின் விற்பனையைத் தொடக்கிவைத்தாா்.
நிகழ்ச்சியில் ஆவின் துணைப் பொது மேலாளா் நாச்சியப்பன், விற்பனைப் பிரிவு மேலாளா் தா்மராஜ், முன்னாள் மாவட்ட விற்பனைக் குழுத் தலைவா் நைனாக்கண்ணு, நகரச் செயலா்கள் செல்வமணி (வேட்டவலம்). ஓ.சி. முருகன் (கீழ்பென்னாத்தூா்), ராஜந்தாங்கல் ஊராட்சி மன்ற துணைத் தலைவா் விஸ்வநாதன் உள்ளிட்டோா் கலந்து கொண்டனா்.