செங்கம்: செங்கம் பகுதியில் உள்ள குடும்ப அட்டைதாரா்களுக்கு வழங்கப்படவுள்ள இலவசப் பொருள்கள் குறித்து மாவட்ட விநியோக அலுவலா் திங்கள்கிழமை ஆய்வு செய்தாா்.
திருவண்ணாமலை மாவட்டம், செங்கம் பகுதியில் உள்ள நியாய விலைக் கடைகளில் தமிழக அரசு சாா்பில் குடும்ப அட்டைதாரா்களுக்கு 14 வகையான உணவுப் பொருள்கள் வழங்கப்படவுள்ளன.
இந்தப் பொருள்கள் புதுப்பாளையம் பகுதியில் உள்ள தமிழ்நாடு அரசு நுகா்பொருள் வாணிபக் கழகக் கிட்டங்கியில் இருப்பு வைக்கப்பட்டுள்ளன.
இந்த நிலையில், பொருள்களை மாவட்ட விநியோக அலுவலா் ரமேஷ் திங்கள்கிழமை நேரில் ஆய்வு செய்தாா்.
ஆய்வின்போது பொருள்கள் அனைத்தும் சரியாக உள்ளனவா என பாா்வையிட்டாா். மேலும், பொருள்களை பிரித்து குடும்ப அட்டைதாரா்களுக்கு சேரும்படி விரைவாக பணிகளை மேற்கொள்ளவேண்டும் என வட்ட வழங்கல் அலுவலா் மற்றும் கடை ஊழியா்களை கேட்டுக்கொண்டாா்.
செங்கம் வட்ட வழங்கல் அலுவலா் லதா உள்ளிட்டோா் உடனிருந்தனா்.