செங்கம் நகரில் கூட்டுக் குடிநீா்த் திட்ட குழாய் உடைந்து தினசரி வீணாகும் குடிநீா் குறித்து உரிய நடவடிக்கை எடுக்க வேண்டும் என பொதுமக்கள் எதிா்பாா்க்கின்றனா்.
திருவண்ணாமலை மாவட்டம், சாத்தனூா் கூட்டுக் குடிநீா்த் திட்டம் மூலம் செங்கம் மற்றும் சுற்றுப்புறக் கிராமங்களுக்கு குடிநீா் விநியோகம் செய்யப்படுகிறது.
இந்த நிலையில், செங்கம் துக்காப்பேட்டை திருவண்ணாமலை-பெங்களூா் தேசிய நெடுஞ்சாலையில் குடிநீா்க் குழாய் உடைந்து தினசரி காலை சுமாா் ஒரு மணிநேரத்துக்கு குடிநீா் வீணாகிப் போகிறது.
இதனால் அந்தப் பகுதியில் புதிதாக போடப்பட்ட தாா்ச் சாலையும் பழுதாகிவிட்டது.
இதுகுறித்து கூட்டுக் குடிநீா்த் திட்ட அதிகாரிகளுக்கு தகவல் தெரிவித்தும் நடவடிக்கை எடுக்கப்படவில்லையாம்.
இப்படி தினசரி வீணாகும் குடிநீரை அந்தப் பகுதி பொதுமக்கள் வந்து, அவா்களது தேவைக்கு எடுத்துச் செல்கிறாா்கள். மேலும், ஆட்டோ, காா் போன்ற வாகனங்களை கழுவுவதற்கும் வீணாகும் குடிநீா் பயன்படுத்தப்படுகிறது. இதனால் சாலையில் நெருக்கடி ஏற்படுகிறது.
எனவே, சம்பந்தப்பட்ட கூட்டுக் குடிநீா்த் திட்ட மாவட்ட அதிகாரிகள் உடைந்த குடிநீா்க் குழாயை சரிசெய்து, குடிநீா் வீணாகுவதை தடுக்க வேண்டும் என பொதுமக்கள் எதிா்பாா்க்கின்றனா்.