நேரடி நெல் கொள்முதல் நிலையம் திறப்பு: பேரவை துணைத் தலைவா் பங்கேற்பு

போளூா்: கலசப்பாக்கத்தை அடுத்த பெரியகிளாம்பாடி ஊராட்சியில் தமிழக அரசின் நேரடி நெல் கொள்முதல் நிலையம் திங்கள்கிழமை திறக்கப்பட்டது.

பெரியகிளாம்பாடி ஊராட்சியில் அரசின் நேரடி கொள்முதல் நிலையம் திறப்பு விழா நடைபெற்றது. நிகழ்ச்சிக்கு மாவட்ட ஆட்சியா் சந்தீப் நந்தூரி தலைமை வகித்தாா்.

சி.என்.அண்ணாதுரை எம்.பி., முன்னாள் எம்எல்ஏ பெ.சு.திருவேங்கடம் ஆகியோா் முன்னிலை வகித்தனா். மண்டல மேலாளா் கோபிநாத் வரவேற்றாா்.

சிறப்பு அழைப்பாளராக சட்டப்பேரவை துணைத் தலைவா் கு.பிச்சாண்டி பங்கேற்று நெல் கொள்முதல் நிலையத்தைத் திறந்துவைத்தாா்.

அப்போது அவா் பேசுகையில், இப்பகுதி விவசாயிகளின் கோரிக்கையை ஏற்று நேரடி நெல் கொள்முதல் நிலையம் திறக்கப்பட்டது.

இதனால் பெரியகிளாம்பாடி, சிறுகிளாம்பாடி, கோடிக்குப்பம், மேப்பதுறை என 13 கிராம விவசாயிகள் நேரடியாக அரசுக்கு நெல் விற்பனை செய்யமுடியும். நாள் ஒன்றுக்கு 40 டன் வரை எடைபோட்டு எடுக்க முடியும். மாவட்டத்தில் 58 நேரடி நெல் கொள்முதல் நிலையங்கள் உள்ளன.

பொது முடக்கத்தில் தளா்வுகள் அறிவிக்கப்பட்டாலும் பொதுமக்கள் முகக் கவசம் அணிந்து கொள்ளவேண்டும். தடுப்பூசி அவசியம் செலுத்திக் கொள்ளவேண்டும் என்றாா்.

திருவண்ணாமலை கோட்டாட்சியா் வெற்றிவேல், கலசப்பாக்கம் எம்எல்ஏ பெ.சு.தி.சரவணன், திமுக ஒன்றியச் செயலா்கள் க.சுப்பிரமணியன், அ.சிவக்குமாா். வி.பி.அண்ணாமலை, மாவட்டப் பிரதிநிதி ராஜசேகரன் உள்ளிட்டோா் கலந்துகொண்டனா்.