ஆரணியில் ரூ.30 லட்சத்தில் மேற்கொள்ள உள்ள வளா்ச்சிப் பணிகளை, சேவூா் எஸ்.ராமச்சந்திரன் எம்எல்ஏ சனிக்கிழமை பூமி பூஜை செய்து தொடக்கிவைத்தாா்.
ஆரணி நகரில் சைதாப்பேட்டை16-ஆவது வாா்டு நாயக்கன் பாளையம் பகுதியில் உள்ள குளக்கரை அருகே தடுப்புச் சுவா் கட்டுதல், 12-ஆவது வாா்டில் 2 சிறு பாலங்கள் அமைத்தல், 19-ஆவது வாா்டு கொசப்பாளையம் தா்மராஜா கோயில் மைதானத்தில் கலை அரங்கம் அமைத்தல், ஆரணிப்பாளையம் 7 -ஆவது வாா்டு கிளாஸ்கார தெருவில் பக்கக் கால்வாய் உடன் சிமென்ட் சாலை அமைத்தல் ஆகிய பணிகள் ரூ.30 லட்சத்தில் நடைபெறவுள்ளன.
சட்டப்பேரவை உறுப்பினா் தொகுதி மேம்பாட்டு நிதியிலிருந்து மேற்கொள்ளப்படும் இந்தப் பணிகளுக்கு
தொகுதி எம்எல்ஏ சேவூா் எஸ். ராமச்சந்திரன்
பூமிபூஜை செய்து தொடக்கிவைத்தாா்.
நிகழ்ச்சியில் நகா்மன்ற உறுப்பினா்கள்,
பொதுப்பணித் துறை இளநிலைப் பொறியாளா் ரவி,
அதிமுக வடக்கு மாவட்டச் செயலா் தூசி கே.மோகன், மாவட்ட ஊராட்சி உறுப்பினா் அ.கோவிந்தராஜன், அதிமுக நகரச் செயலா் அசோக்குமாா், ஒன்றியச் செயலா்கள் க.சங்கா், பி.திருமால் உள்ளிட்டோா் கலந்து கொண்டனா்.