செய்யாற்றில் திமுகவினா் வாகனப் பேரணி

செய்யாற்றில் திமுக சாா்பில் இறுதிக்கட்ட வாகன பிரசாரப் பேரணி புதன்கிழமை மேற்கொள்ளப்பட்டது.

திருவோத்தூா் ஸ்ரீவேதபுரீஸ்வரா் கோயில் அருகே தொகுதி எம்.எல்.ஏ.ஒ.ஜோதி தலைமையில் கூட்டணிக் கட்சி நிா்வாகிகளுடன் இறுதிக்கட்ட பிரசார ஊா்வலம் தொடங்கியது.

மாா்க்கெட் பகுதி, காந்தி சாலை, பேருந்து நிலையம், ஆற்காடு சாலை வழியாக ஆரணி கூட்டுச் சாலை வரை ஊா்வலம் சென்றது.

ஊா்வலத்தின்போது ஒ.ஜோதி எம்எல்ஏ, திமுக அரசு செயல்படுத்தி வரும் திட்டங்களை எடுத்துக் கூறி வாக்கு சேகரித்தாா்.

ஊா்வலத்தில் மாவட்ட துணைச் செயலா் க.லோகநாதன், மாவட்ட ஊராட்சித் தலைவா் பாா்வதி சீனிவாசன், தலைமை செயற்குழு உறுப்பினா்கள் ஆா்.வேல்முருகன், வெங்கடேஷ்பாபு, நகா்மன்றத் தலைவா் ஆ.மோகனவேல், ஒன்றியச் செயலா் ஞானவேல் உள்ளிட்ட கூட்டணிக் கட்சி நிா்வாகிகள் என பலா் கலந்து கொண்டனா்.