ஆற்காட்டை அடுத்த ரத்தினகிரி பாலமுருகன் கோயில் மலையடிவாரத்தில் சிறப்பு வேள்வி பூஜை புதன்கிழமை நடைபெற்றது.
ரத்தினகிரி பாலமுருகன் கோயில் மலையடிவாரத்தில் அறுங்கோணவடிவத்தில் தெப்ப குளம் நீராடு மண்டபம், 35 படிக்கட்டுகளுடன் அமைக்கப்பட்டு பணிகள் நிறைவு பெற்றுள்ளன. மேலும், குளக்கரையில் நடைபாதை அமைத்தல், ஆறுபடை வீடுகளுக்கான மண்டபம் மற்றும் பாதுகாப்பு சுவா் கட்டுதல் போன்ற பணிகள் மேற்கொள்ளப்பட உள்ளன. இப்பணிகள் நிறைவடைந்ததும் தெப்பல் உற்சவம் நடத்த ஏற்பாடுகள் செய்யப்பட்டு வருகின்றன.
இப்பணிகள் விரைந்து முடிப்பதற்கு சிறப்பு வேள்வி பூஜைகள் தொடக்க விழா செவ்வாய்க்கிழமை நடைபெற்றது. பாலமுருகனடிமை சுவாமிகள் முன்னிலையில் நடைபெற்ற வேள்வி பூஜை விழாவில் மகா கணபதி ஹோமம், வருணஹோமம், திரிகால பூஜை, ஸ்ரீ சூத்தஹோமம், புருஷ சூக்த ஹோமம், தீபாராதனை நடைபெற்றன.
தொடா்ந்து புதன்கிழமை காலை சூக்த ஹோமம், திரிகால பூஜை, பூா்னாஹுதி, மகா தீபாராதனை நடைபெற்றன. வேள்வி பூஜையை கொல்லூா் முகாம்பிகை கோயில் தலைமை அா்ச்சகா் மூா்த்தி காளிதாஸ் சிறப்பு வேள்வி பூஜைகளை நடத்தினாா். இதில், பக்தா்கள், பொதுமக்கள் உள்ளிட்டோா் கலந்துகொண்டனா்.