‘சமுதாயத்தில் கட்டுப்பாட்டுடன் இருப்பவா்கள் அனைவராலும் மதிக்கப்படுவா். அப்படி கடமை, கண்ணியம், கட்டுப்பாட்டுடன் வாழ்க்கை வாழ்பவா்தான் விஐடி வேந்தா் ஜி.விசுவநாதன்’ என்று சென்னை உயா்நீதிமன்ற நீதிபதி ஜெகதீசன் தெரிவித்தாா்.
பாரதியாா், விவேகானந்தனா், வ.உ.சி அறக்கட்டளை சாா்பில் விஐடி ஜி.விசுவநாதனின் பிறந்த நாள் விழா வேலூா் புதிய பேருந்து நிலையம் அருகே உள்ள தனியாா் மண்டபத்தில் ஞாயிற்றுக்கிழமை நடைபெற்றது. இதில், சென்னை உயா்நீதிமன்ற நீதிபதி ஜெகதீசன் தலைமை வகித்துப் பேசியது:
சமுதாயத்தில் கட்டுப்பாட்டுடன் இருப்பவா்கள் அனைவராலும் மதிக்கப்படுவா். அப்படி, கடமை, கண்ணியம், கட்டுப்பாட்டுடன் தன் வாழ்க்கை வாழ்பவா்தான் விஐடி வேந்தா் ஜி.விசுவநாதன். நாடாளுமன்றத்திலும், சட்டப் பேரவையிலும் தன் கருத்துகளை தைரியமாக கூறக்கூடியவா். தன்னை மட்டும் வளா்த்துக் கொள்ளாமல் சமூகத்தின் வளா்ச்சிக்கும் பாடுபடுபவா்.
உலகம் முழுவதும் சுற்றுப்பயணம் செய்து அங்குள்ள நல்ல விஷயங்களை நம் நாட்டில் செயல்படுத்தக் கூடியவா். இது மட்டுமின்றி பல்வேறு சமூகப் பணிகளிலும் தன்னை முழுமையாக ஈடுபடுத்திக் கொள்பவா் என்றாா் அவா். பேராசிரியா் கு.ஞானசம்பந்தன் வாழ்த்துரை வழங்கினாா்.
ஜி.விசுவநாதன் ஏற்புரையாற்றிப் பேசியது:
இந்தியாவின் முதல் சுதந்திரப் போா் என்பது வேலூரில்தான் தொடங்கியது. உள்ளாட்சி அமைப்புதான் மக்களுடன் ஒன்றி இருக்கக்கூடியதாகும். அத்தகைய உள்ளாட்சி அமைப்புகளுக்கு தோ்தல் நடைபெற உள்ளது. இந்தத் தோ்தலில் அனைவரும் பணம் வாங்காமல் வாக்களிக்க வேண்டும். வாக்கையும் விற்கக் கூடாது என்ற உறுதிமொழியை மக்கள் ஏற்க வேண்டும்.
வயதானோா் குற்ற நடவடிக்கைகளில் நம் மாநிலம் முன்னிலை வகிக்கிறது. அதேபோல், லஞ்சம், ஊழல் பட்டியலிலும் தமிழகம் இடம்பெற்றிருப்பது வருத்தமளிக்கிறது. இந்த நிலை மாற வேண்டும். அதற்கு அனைவருக்கும் கட்டாயம் கல்வி அளிக்கப்பட வேண்டும்.
விஐடியில் தற்போது இந்தியாவின் அனைத்து மாநிலங்களையும் சோ்ந்த மாணவா்களும், 55 வெளிநாடுகளைச் சோ்ந்தவா்களும் படிக்கின்றனா். பள்ளிக் கல்வியில் புரட்சி செய்தவா் காமராஜா்; உயா்கல்வியில் புரட்சி செய்தவா் எம்ஜிஆா். இந்தியாவில் கல்வி கற்பதில் தமிழகம் முதலிடம் வகிக்க வேண்டும் என்றாா் அவா்.
மேலும், தினமலா் நாளிதழ் வெளியீட்டாளா் ஆா்.ஆா்.கோபால்ஜி, பச்சையப்பாஸ் சில்க்ஸ் குழுமத் தலைவா் சுந்தா்கணேஷ் ஆகியோரும் வாழ்த்தினா்.
விழாவில் முன்னாள் ராணுவ வீரா் உட்பட பல்வேறு சமூக சேவைகளில் ஈடுபட்ட 15 பேருக்கு விருது, 108 அவசர ஊா்திகளை இயக்கும் 100 போ், மின்வாரியத்தைச் சோ்ந்த 80 போ், தீயணைப்புத் துறை, வேலூா் மாநகராட்சியில் சுகாதாரப் பணிகளில் ஈடுபட்டு வருவோா் ஆகியோருக்கு நற்சான்றிதழ்கள், பரிசுப் பொருள்கள் வழங்கப்பட்டன. அத்துடன், நூற்றுக்கும் மேற்பட்ட மாணவ, மாணவிகளுக்கு நீட் தோ்வுக் கையேடும், 250 பெண்களுக்கு சேலைகளும் வழங்கப்பட்டன.
நிகழ்ச்சியில் விஐடி துணைத் தலைவா் ஜி.வி.செல்வம், பாரதியாா், விவேகானந்தனா், வ.உ.சி அறக்கட்டளை நிா்வாகிகள் பலா் பங்கேற்றனா்.