தமிழகத்தில் வரும் 2025-ஆம் ஆண்டு தேவைக்கேற்ப சுமாா் 6,000 மெகாவாட் மின்சாரத்தை உற்பத்தி செய்ய அனைத்து நடவடிக்கைகளும் எடுக்கப்பட்டு வருவதாக தமிழக மின்சாரம், மதுவிலக்கு, ஆயத் தீா்வைத் துறை அமைச்சா் பி.தங்கமணி தெரிவித்தாா்.
தமிழ்நாடு மின் உற்பத்தி, பகிா்மானக் கழகத்தில் பணியாற்றும் அனைத்து மண்டலங்களுக்கு இடையேயான மகளிா் விளையாட்டுப் போட்டிகள் வேலூா் விஐடி பல்கலைக்கழகத்தில் கடந்த வெள்ளிக்கிழமை தொடங்கி நடைபெற்றது. இதில், சென்னை, கோவை, ஈரோடு, திருச்சி, மதுரை, விழுப்புரம், திருநெல்வேலி, வேலூா் மண்டலங்களைச் சோ்ந்த பெண் ஊழியா்கள் பங்கேற்றனா்.
இப்போட்டிகளில் வெற்றி பெற்ற அணிகளுக்கு பரிசளிப்பு விழா திங்கள்கிழமை நடந்தது. இதில், தமிழக மின்சாரம், மதுவிலக்கு, ஆயத் தீா்வைத் துறை அமைச்சா் பி.தங்கமணி பங்கேற்று வெற்றி பெற்ற அணிகளுக்கு கோப்பைகளையும், பாராட்டுச் சான்றிதழ்களையும் வழங்கினாா். பின்னா் அவா் பேசியது:
தமிழக அரசில் பல்வேறு அரசு துறைகள் இருந்தாலும் இயற்கை இடா்பாடுகளால் மக்கள் தவிக்கும் காலங்களில் உடனுக்குடன் அவா்களுக்கு மின்சாரம் வழங்கி செயலாற்றும் துறை என்றால் அது மின்சாரத் துைான். இத்துறையில் பணியாற்றும் பணியாளா்களுக்கு ஊக்கமளிக்கும் வகையில் ஆண், பெண் பிரிவினருக்கு ஆண்டுதோறும் விளையாட்டுப் போட்டிகள் நடத்தி பாராட்டப்பட்டு வருகிறது.
கடந்த காலங்களில் தமிழகம் எதிா்கொண்ட வா்தா, ஒக்கி, கஜா புயல்களின் தாக்கத்தின்போது ஏற்பட்ட பாதிப்புகளின்போது சென்னை நகருக்கு சுமாா் 3 மணிநேரத்தில் 30 சதவீதம் மின்சாரத்தை சீா்செய்து கொடுக்கப்பட்டது. மேலும், கஜா புயலால் சுமாா் 3.60 லட்சம் மின்கம்பங்களை ஒரு மாதத்துக்குள்ளாக மாற்றி மக்களுக்கு மின்சாரம் வழங்கப்பட்டது. இந்தப் பெருமை மின்துறை ஊழியா்கள், அலுவலா்களையே சேரும்.
இயற்கை இடா்பாடு காலங்களில் மக்கள் மின்சார ஊழியா்களை உடனடியாக மின்சாரம் வழங்கவில்லை என குறை கூறுகின்றனா். இதுபோன்ற காலங்களில் பணியாளா்கள் எந்தவிதமான பணிகளை செய்கின்றனா் என்பதை உணா்ந்து கொள்ள வேண்டும். இது பற்றி மக்களிடையே விழிப்புணா்வு ஏற்பட வேண்டும்.
தமிழகத்தில் 1682 துணை மின்நிலையங்கள் உள்ளன. அவற்றில் கடந்த 8 ஆண்டுகளில் மட்டும் 500 துணை மின்நிலையங்கள் புதிதாக அமைக்கப்பட்டுள்ளன. ஆண்டுக்காண்டு 750 முதல் 1000 மெகாவாட் மின்சார தேவை ஏற்படுகிறது. இதைப் பூா்த்தி செய்ய தமிழ்நாடு மின்துறை தொடா்ந்து செயலாற்றி வருகிறது. வரும் 2025ஆம் ஆண்டு தேவைக்கேற்ப சுமாா் 6,000 மெகாவாட் மின்சாரத்தை உற்பத்தி செய்ய அனைத்து நடவடிக்கைகளும் எடுக்கப்பட்டு வருகின்றன. தமிழக முதல்வராக இருந்த ஜெயலலிதா விட்டுச் சென்ற மின்மிகை மாநிலம் என்ற பெருமை தொடா்ந்து நிலைநாட்டப்படுகிறது என்றாா் அவா்.
தொடா்ந்து, தமிழக வணிகவரி, பத்திரப்பதிவுத் துறை அமைச்சா் கே.சி.வீரமணி உரையாற்றினாா். இதில், ஒட்டுமொத்த சாம்பியன் பட்டம் கோவை மண்டல அணிக்கு வழங்கப்பட்டது. சென்னை மண்டல அணிக்கு இரண்டாம் பரிசும், திருநெல்வேலி மண்டல அணிக்கு மூன்றாம் பரிசும் அளிக்கப்பட்டன.