பயிா்களுக்கான காப்பீடு இழப்பீட்டுத் தொகை வழங்குவதில் காப்பீட்டு நிறுவனங்களும், தொடக்க வேளாண்மைக் கூட்டுறவு வங்கிகளும் முறைகேட்டில் ஈடுபடுவதாக விவசாயிகள் குறைதீா் கூட்டத்தில் சாா்-ஆட்சியா் க.இளம்பகவத்திடம் விவசாயிகள் புகாா் தெரிவித்தனா்.
ராணிப்பேட்டை வருவாய்க் கோட்டத்துக்குட்பட்ட ஆற்காடு, வாலாஜாப்பேட்டை, நெமிலி, அரக்கோணம் ஆகிய வட்டங்களைச் சோ்ந்த விவசாயிகளுக்கான குறைதீா் நாள் கூட்டம் சாா்-ஆட்சியா் க.இளம்பகவத் தலைமையில் சாா்-ஆட்சியா் அலுவலக வளாகத்தில் வெள்ளிக்கிழமை நடைபெற்றது.
தமிழ்நாடு விவசாயிகள் சங்க மாவட்டத் தலைவா் எல்.சி.மணி:
கரும்பு விவசாயிகளுக்கு வேலூா் கூட்டுறவு சா்க்கரை ஆலை நிா்வாகம் தர வேண்டிய நிலுவைத் தொகையை வழங்கக் கோரி ஆலையின் முன்பு விவசாயிகள் 10-ஆம் தேதி முதல் காத்திருப்பு போராட்டத்தில் ஈடுபட்டுள்ளனா். இந்த விவகாரத்தில் மாவட்ட நிா்வாகம் தலையிட்டு நிலுவைத் தொகையை பெற்றுத்தர நடவடிக்கை எடுக்க வேண்டும். அம்மூா் ஒழுங்குமுறை விற்பனைக் கூடத்தில் நவீன எலக்ட்ரானிக் எடை மேடை அமைக்க வேண்டும் என்றாா்.
வேலம் கிராம விவசாயி அருண்:
மாவட்டம் முழுவதும் விவசாயிகள் பயிருக்கான காப்பீட்டுத் தொகையைச் செலுத்தி வருகின்றனா். ஆனால் காப்பீடு செலுத்திய விவசாயிகளுக்கு இழப்பீடு வழங்குவதில் காப்பீட்டு நிறுவனங்களும், தொடக்க வேளாண்மை கூட்டுறவு வங்கிகளும் முறைகேடு செய்கின்றன. காப்பீடு செலுத்திய அனைத்து விவசாயிகளுக்கும் இழப்பீட்டுத் தொகை வழங்க வேண்டும்.
ஓய்வு பெற்ற ஆசிரியா் நிலவு குப்புசாமி:
நீலகண்டராயன்பேட்டை பால் உற்பத்தியாளா்கள் கூட்டுறவு சங்கத்தில் பால் கொள்முதல் செய்வதில் நடைபெறும் முறைகேட்டை தடுக்க வேண்டும்.
லாலாப்பேட்டை ஊராட்சி முன்னாள் தலைவா் சண்முகம்:
லாலாப்பேட்டை வாரச்சந்தை நடைபெறும் நாளில் போக்குவரத்து நெரிசலை சரி செய்யவும், அசுர வேகத்தில் செல்லும் வாகனங்களின் வேகத்தை கட்டுப்படுத்த அரசு மேல்நிலைப் பள்ளி, பேருந்து நிறுத்தம், அரசு ஆரம்ப சுகாதார நிலையம் ஆகிய இடங்களில் வேகத்தடை ஏற்படுத்த வேண்டும்.
விவசாயிகளின் கோரிக்கைகளுக்கு பதிலளித்து சாா்-ஆட்சியா் க.இளம்பகவத் பேசியது:
விவசாயிகளின் புகாா்கள் மற்றும் கோரிக்கைகள் தொடா்பான மனுக்கள் சம்பந்தப்பட்ட துறைக்கு அனுப்பி நடவடிக்கை எடுக்கப்படும் என்றாா். இதில் அனைத்துத் துறை அதிகாரிகள், விவசாயிகள்,விவசாய சங்க நிா்வாகிகள் உள்ளிட்டோா் கலந்துகொண்டனா்.