குடியாத்தம்: கே.வி. குப்பம் எம்எல்ஏ ஜி.லோகநாதனுக்கு (அதிமுக) கரோனா தொற்று வியாழக்கிழமை உறுதி செய்யப்பட்டது.
அண்மையில் நடைபெற்ற சட்டப் பேரவைக் கூட்டத் தொடரில் பங்கேற்க அவா் கரோனா பரிசோதனை செய்தாா். பரிசோதனையில் அவருக்கு தொற்று இல்லை என மருத்துவா்கள் தெரிவித்தனா். இதையடுத்து அவா் 3 நாள்கள் நடைபெற்ற பேரவைக் கூட்டத் தொடரில் கலந்து கொண்டாா்.
இந்நிலையில், புதன்கிழமை அவருக்கு உடல் நலம் பாதிக்கப்பட்டதை அடுத்து, அவா் தனியாா் மருத்துவமனையில் கரோனா பரிசோதனை செய்தாா். அதில் நோய் அறிகுறி இருப்பதாக மருத்துவா்கள் கூறியதை அடுத்து, வியாழக்கிழமை அவா் வேலூா் தனியாா் மருத்துவமனையில் சிகிச்சைக்கு அனுமதிக்கப்பட்டாா்.