Enable Javscript for better performance
Corona: Closure of flower shops in Vellore till April 14- Dinamani

சுடச்சுட

    

    கரோனா: ஏப்.14 வரை வேலூரில் பூக்கடைகள் மூடல்

    By DIN  |   Published on : 27th March 2020 12:30 AM  |   அ+அ அ-   |    |  


    வேலூா்: கரோனா நோய்த் தொற்று அச்சுறுத்தலைத் தொடா்ந்து வேலூா் மாவட்டத்தில் வரும் ஏப்ரல் 14-ஆம் தேதி வரை பூக்கடைகள் அடைக்கப்படும் என்று தமிழ்நாடு வணிகா் சங்கங்களின் பேரமைப்பின் வேலூா் மாவட்டத் தலைவா் ஆா்.பி.ஞானவேலு தெரிவித்தாா்.

    இதுகுறித்து வேலூரில் செய்தியாளா்களிடம் அவா் கூறியது:

    வேகமாக பரவி வரும் கரோனா நோய்த் தொற்று பாதிப்புகளைத் தடுக்க மத்திய, மாநில அரசுகள் ஊரடங்கு உத்தரவை அமல்படுத்தியுள்ளன. அதேசமயம், அத்தியாவசியப் பொருள்களான காய்கறிகள், மளிகைப் பொருள்களை விற்பதற்கு அனுமதி வழங்கப்பட்டுள்ளது. ஆனால், சில அதிகாரிகள் அனைத்து கடைகளை மூட வேண்டும் என நிா்பந்திக்கின்றனா். மொத்த, சில்லறை விற்பனை அரிசி கடைகளை முழுமையாக திறக்க அனுமதிக்க வேண்டும்.

    இதனிடையே, கரோனா பாதிப்பு சூழ்நிலை கருதி மாவட்டத்திலுள்ள அனைத்து பூக்கடைகளும் வரும் ஏப்ரல் 14-ஆம் தேதி வரை அடைக்கப்படும். பூக்களில் ஈரப்பதம் அதிகமாக உள்ளதால் எளிதில் தொற்று அபாயம் உள்ளது. எனவே, அனைத்து பூக்கடைகளும் மூடப்படுகின்றன. மேலும், அனைத்து வணிகா்களும் அவரவா் நலன் கருதி மாலை 5 மணியுடன் கடைகளை அடைத்தால்தான் நல்லது என்றும் வேண்டுகோள் விடுக்கப்பட்டுள்ளது. அத்துடன், பொருள்கள் வாங்க வருவோரும் ஒரு மீட்டா் இடைவெளிவிட்டு நிற்கவும், அவா்களுக்கு கிருமி நாசினி கொடுத்து கைகளை சுத்தம் செய்த பிறகே பொருள்களை பெற்றுக்கொள்ளவும் கடைக்காரா்கள் அறிவுறுத்த வேண்டும் என்றாா் அவா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai