யானை மிதித்து விவசாயி பலி

குடியாத்தம்: ஆந்திர மாநிலம், யாதமுரி அருகே யானை மிதித்து, விவசாயி உயிரிழந்தாா்.

தமிழக எல்லையான, பரதராமியிலிருந்து சுமாா் 5 கி.மீ. தொலைவில் சித்தூா் செல்லும் சாலையில் உள்ளது யாதமுரி.

இதையொட்டி, வன எல்லையில் அமைந்துள்ளது தஞ்சாவூா் கிராமம். இந்தக் கிராமத்தைச் சோ்ந்த விவசாயி வெள்ளையன் (52), வியாழக்கிழமை காலை 6 மணியளவில் வீட்டிலிருந்து, நிலத்துக்கு சென்றாா். வழியில் ஒரு குட்டி உள்பட 7 யானைகள் கூட்டமாக நின்றுள்ளன.

அதில் ஒரு யானை தும்பிக்கையால், வெள்ளையனை தூக்கி வீசி மிதித்துக் கொன்றது. தகவல் அறிந்த கிராம மக்கள் அங்கு சென்று யானைகளை வனப் பகுதிக்குள் விரட்டினா். இது குறித்து யாதமுரி போலீஸாா் வழக்குப் பதிந்து விசாரணை மேற்கொண்டனா்.