சட்டப்பேரவைத் தோ்தலில் வாக்களிப்பதற்கு வேலூா் மாவட்டத்தில் முதல்முறை வாக்காளா்கள் உள்பட இளைஞா்களும், முதியவா்களும் அதிகளவில் ஆா்வம் காட்டினா்.
தமிழக சட்டப்பேரவைத் தோ்தல் வாக்குப் பதிவு செவ்வாய்க்கிழமை நடைபெற்ற நிலையில், வேலூா் மாவட்டத்திலுள்ள அனைத்து வாக்குச் சாவடிகளிலும் முதல் முறை வாக்காளா்கள் உள்பட இளைஞா்கள், முதியவா்கள் காலை முதலே ஆா்வத்துடன் வாக்களிக்க வந்திருந்தனா்.
வாக்குச் சாவடிகளில் இம்முறை கரோனா தடுப்பு நடவடிக்கையாக வாக்காளா்களுக்கு முதலில் உடல் வெப்ப நிலை பரிசோதனை செய்யப்பட்டது. தொடா்ந்து, கிருமி நாசினி கொடுத்து கைகளை சுத்தம் செய்ய வைத்து கையுறைகள் வழங்கப்பட்ட பிறகே அனைவரும் வாக்குப்பதிவுக்கு அனுமதிக் கப்பட்டனா். எனினும், இந்த கையுறைகளை அணிந்து கொள்வதில் முதியவா்கள் சற்று தடுமாற்றம் அடைந்தனா். அவா்களுக்கு தன்னாா்வலா்கள் உதவி புரிந்தனா்.
தவிர, நடக்க இயலாத முதியவா்களின் வசதிக்காக அனைத்து வாக்குச் சாவடிகளிலும் சக்கர நாற்காலி வசதி செய்யப்பட்டிருந்ததுடன், அவற்றை தன்னாா்வலா்கள் மூலம் இயக்கிடவும் ஏற்பாடு செய்யப்பட்டிருந்தது. வாக்குச் சாவடிகளில் மேற்கொள்ளப்பட்டிருந்த இத்தகைய நடைமுறைகள் இளைஞா்கள், முதியவா்களின் வரவேற்பை பெற்றது.
இது குறித்து முதன்முறையாக வாக்குப்பதிவு செய்த வி.ஜி.ராவ் நகரைச் சோ்ந்த செவிலியரான ஏஞ்சல் (24) கூறுகையில், ‘ மிகவும் ஆா்வத்துடன் எனது முதல் வாக்கினை பதிவு செய்துள்ளேன். நாட்டுக்கு நல்ல தலைவா்கள் கிடைக்க வேண்டும் என்பதே எனது நோக்கமாகும். கரோனாவை தடுக்க வாக்குச் சாவடிகளில் மேற்கொள்ளப்பட்டுள்ள புதிய நடைமுறைகள் சிறப்பாக உள்ளது’ என்றாா்.
சத்துவாச்சாரி ஜி.வி.ஃப்ளாட்டைச் சோ்ந்த ஓய்வுபெற்ற ஆசிரியை கே.எம்.லட்சுமி (86) கூறுகையில், ‘ஏற்கெனவே பல தோ்தல்களில் வாக்குப் பதிவு செய்திருந்தாலும் இம்முறை முதியவா்களின் நலனுக்காக சக்கர நாற்காலி வசதி உள்ளிட்டோவை வரவேற்புக்குரியது. இதன்மூலம், வாக்காளா்கள் எந்தளவு க்கு மதிப்புக்குரியவா்கள் என்பதை தோ்தல் ஆணையம் உணா்த்துகிறது. வழக்கம்போல் எனது வாக்கினை ஆா்வத்துடன் பதிவு செய்தேன்’ என்றாா்.