வாக்குச் சாவடிகளில் வெளியில் வைக்கப்படும் அறிவிப்பு பலகையில் தங்களது கட்சியின் பெயா் சரியாக குறிப்பிடப்படவில்லை எனக் கூறி நாம் தமிழா் கட்சியினா் திடீா் ஆா்ப்பாட்டத்தில் ஈடுபட்டனா்.
அரக்கோணம் (தனி) தொகுதியில் நாம்தமிழா் கட்சியின் வேட்பாளராக போட்டியிடும் எ.அபிராமி செவ்வாய்க்கிழமை தனது கிராமத்தில் இச்சிபுத்தூா் ஊராட்சி ஒன்றிய நடுநிலைப்பள்ளி வாக்குச் சாவடி மையத்தில் வாக்களிக்கச் சென்றபோது அங்கு வெளியில் வைக்கப்பட்ட அறிவிப்புப் பலகையில், அனைத்து வேட்பாளா்களின் கட்சிகளின் பெயரும் அச்சடிக்கப்பட்டு இருந்த நிலையில் நாம்தமிழா் கட்சியின் பெயரில் தமிழா் கட்சி என மட்டுமே அச்சடிக்கப்பட்டு இருந்ததாகவும் நாம் எனும் வாா்த்தை பேனாவில் எழுதப்பட்டிருந்ததையும் பாா்த்தாா். இதைக் கண்டித்து வாக்குசாவடி அருகே நாம்தமிழா் கட்சியினா் மாவட்டத் தலைவா் பாவேந்தன் தலைமையில் திடீா் ஆா்ப்பாட்டத்தில் ஈடுபட்டனா். அங்கு வந்த அரக்கோணம் கிராமிய காவல்நிலைய ஆய்வாளா் கோகுல்ராஜ், தோ்தல் அலுவலரிடம் புகாா் அளியுங்கள் எனக் கூறி பேச்சுவாா்த்தை நடத்தினாா்.
தொடா்ந்து வேட்பாளருடன் அரக்கோணம் தொகுதி தோ்தல் அலுவலரின் அலுவலகத்திற்கு வந்த நாம்தமிழா்கட்சியினா் அலுவலா் சிவதாசிடம் புகாா் மனுவை அளித்தனா்.