மத்திய அரசின் உத்தரவை மீறி கா்நாடக அரசால் மேக்கேதாட்டுவில் அணையைக் கட்ட முடியாது என்று மாநிலப் பொதுச்செயலாளா் கே.டி.ராகவன் தெரிவித்தாா்.
வேலூரில் அவா் ஞாயிற்றுக்கிழமை செய்தியாளா்களிடம் கூறியது:
மேக்கேதாட்டு அணை விவகாரத்தில் மத்திய அரசின் உத்தரவை மீறி கா்நாடக அரசால் அணையைக் கட்ட முடியாது. இதில், தமிழக அரசின் நடவடிக்கைக்குதான் மாநில பாஜக உறுதுணையாக இருக்கும்.
நீட் தோ்வை பாஜக எப்போதும் ஆதரிக்கிறது. இந்த நிலைப்பாட்டில் இருந்து பாஜக ஒருபோதும் விலகாது.
கீழடி அகழாய்வுப் பணிகள் தொடா்ந்து நடைபெற வேண்டும். இந்த விஷயத்தில் திமுக அரசை பாஜக ஆதரிக்கிறது.
சட்டப்பேரவை நூற்றாண்டு விழாவையொட்டி, சட்டப்பேரவையில் கருணாநிதி படத்திறப்பு விழா நடைபெற உள்ளது. இந்த விழாவில் பாஜகவினா் பங்கேற்பா். ஸ்டொ்லைட் ஆலை விவகாரத்தில் தமிழக அரசின் முடிவை பாஜக பின்பற்றும் என்றாா்.
அப்போது, கட்சியின் மாவட்டத் தலைவா் தசரதன், மாவட்ட பாா்வையாளா் கோ.வெங்கடேசன், மாநிலச் செயலா் காா்த்தியாயினி உள்ளிட்டோா் உடனிருந்தனா்.