புவிவெப்பமயமாதல் குறித்து மக்களிடையே விழிப்புணா்வு ஏற்படுத்தும் விதமாக வேலூரில் அரசு சட்டக் கல்லூரி மாணவா் ஒருவா் தொடா் ஓட்டத்தில் ஈடுபட்டாா்.
வேலூா் அரியூா் பகுதியைச் சோ்ந்த காா் ஓட்டுநா் சோமுவின் மகன் ராகுல்கணேஷ். தற்போது வேலூா் அரசு சட்டக் கல்லூரியில் மூன்றாமாண்டு பயின்று வரும் இவா், தனது 4 வயது முதலே பல்வேறு விழிப்புணா்வு நடவடிக்கைகளில் ஈடுபட்டு வருகிறாா்.
அதன்படி, இவா் தனது 6-ஆவது வயதில் எய்ட்ஸ் விழிப்புணா்வுக்காக வேலூரில் இருந்து சென்னைக்கும், 7-ஆவது வயதில் நதிநீா் இணைப்பை வலியுறுத்தி வேலூரில் இருந்து புதுச்சேரிக்கும் தொடா் ஓட்டம் மேற்கொண்டுள்ளாா். தவிர, பள்ளி மாணவா்களின் இடைநிற்றலைத் தவிா்க்க தமிழகம் முழுவதும் 70 ஊராட்சிகளுக்கு சைக்கிளிலேயே சென்று ஊராட்சித் தலைவா்களிடம் வலியுறுத்தியுள்ளாா்.
இவரது தொடா் விழிப்புணா்வு நடவடிக்கைகளை பாராட்டி கடந்த 2010-ஆம் ஆண்டில் அப்போதைய குடியரசுத் தலைவா் பிரதிபா பாட்டீல், ராகுல்கணேஷுக்கு விருது அளித்துள்ளாா். தவிர, அப்போதைய தமிழக ஆளுநா் சுா்ஜித்சிங் பா்னாலாவும் இந்த மாணவரைப் பாராட்டியுள்ளாா்.
இந்நிலையில், மாணவா் ராகுல்கணேஷ் புவி வெப்பமயமாதல் குறித்து மக்களிடையே விழிப்புணா்வு ஏற்படுத்தும் நோக்கில் காட்பாடி சித்தூா் பேருந்து நிலையத்தில் இருந்து வேலூா் தங்கக் கோயில் வரை தொடா் ஓட்டத்தை வெள்ளிக்கிழமை மேற்கொண்டாா். இந்த ஓட்டத்தை மாவட்ட முதன்மைக் கல்வி அலுவலா் கு.குணசேகரன் தொடங்கி வைத்தாா்.
அப்போது, புவிவெப்பமயமாதலின் காரணிகள், அதைத் தடுப்பதற்கு எடுக்க வேண்டிய நடவடிக்கைகள் குறித்த பதாகைகளுடன் ஒரு வாகனம் பின்னே வர ராகுல்கணேஷ் தொடா் ஓட்டம் மேற்கொண்டு மக்களிடையே விழிப்புணா்வை ஏற்படுத்தினாா். தொடா் ஓட்டத்தை ஊசூா் தனியாா் பள்ளியின் தாளாளா் ஆா்.ராஜசேகா் முடித்து வைத்தாா்.
இந்த நிகழ்வில், சக்தி அம்மா இளைஞா் நற்பணி சங்கத் தலைவா் ஏ.வெங்கடேசன், முன்னாள் ஒன்றியக்குழு உறுப்பினா் எல்.பிச்சமுத்து உள்ளிட்டோா் பங்கேற்றனா்.