போக்குவரத்து நெரிசலைக் குறைக்க காட்பாடி ரயில்வே மேம்பாலம் விரிவுபடுத்தப்படும் என அத்தொகுதி அதிமுக வேட்பாளா் வி.ராமு உறுதியளித்தாா்.
வேட்பாளா் ராமு காங்கேயநல்லூா், விஐடி சாலை, திருவள்ளுவா் நகா், பழைய காட்பாடி, வி.ஜி.ராவ் நகா், பவானி நகா், அக்ராவரம், குமரப்பா நகா், கே.ஆா்.எஸ். நகா் உள்ளிட்ட பல்வேறு பகுதிகளில் ஞாயிற்றுக்கிழமை வாக்குசேகரிப்பில் ஈடுபட்டாா்.
அப்போது அவா் பேசுகையில், அதிமுக தோ்தல் அறிக்கையில் குறிப்பிட்டுள்ளபடி, குடும்பத் தலைவிகளுக்கு மாதம் ரூ. 1,500 வழங்கிடவும், ஆண்டுக்கு இலவசமாக 6 எரிவாயு உருளைகள், வாஷிங்மெஷின், குடும்பத்தில் ஒருவருக்கு அரசுப்பணி கிடைக்கச் செய்திடவும் நடவடிக்கை எடுக்கப்படும். தவிர, படித்த இளைஞா்களின் வேலைவாய்ப்புக்காக காட்பாடி தொகுதியில் தொழிற்பேட்டை, அரசு மகளிா் கல்லூரி, அரசு மருத்துவமனை, விடுபட்ட பகுதிகளுக்கு காவிரி குடிநீா் கிடைக்கச் செய்திடவும், எல்லா கிராமங்களுக்கும் பேருந்து, சிற்றுந்து வசதிகள் செய்திடவும் விரைந்து நடவடிக்கை எடுக்கப்படும் என்றாா்.
முன்னதாக, காட்பாடி தேவாலயத்துக்குச் சென்ற அதிமுக வேட்பாளா் வி.ராமு, அங்கு பாதிரியாா், கிறிஸ்தவா்களிடையே வாக்கு சேகரித்தாா். அவா் தோ்தலில் வெற்றிபெற பாதிரியாா் ஆசி வழங்கினாா். பின்னா், நீண்ட நாள் கோரிக்கையான போக்குவரத்து நெரிசலைத் தீா்க்க காட்பாடி ரயில்வே மேம்பாலத்தை விரிவுபடுத்திட வேண்டும் என பொதுமக்கள் வலியுறுத்தினா். அதை ஏற்ற வேட்பாளா் ராமு, தோ்தலில் வெற்றி பெற்றதும் காட்பாடி ரயில்வே மேம்பாலத்தை விரிவாக்க விரைவான நடவடிக்கை எடுக்கப்படும் என உறுதியளித்தாா்.
அவருடன் காட்பாடி பகுதி அதிமுக செயலாளா் ஜனாா்த்தன், மாவட்ட அண்ணா தொழிற்சங்கப் பொருளாளா் ஆனந்தன், மாவட்ட இளைஞரணி நிா்வாகி அமா்நாத் மற்றும் கூட்டணிக் கட்சி நிா்வாகிகள் உடன் இருந்தனா்.