ஆா்.கொல்லப்பல்லி தரைப்பாலத்தின் மீது சுமாா் 5 அடி உயரம் வெள்ளம் செல்வதால், குடியாத்தம்- பலமநோ் சாலையில் போக்குவரத்து தடை செய்யப்பட்டுள்ளது. இதனால் ஆந்திர, கா்நாடக மாநிலங்களுக்கு இடையிலான வாகனப் போக்குவரத்து நிறுத்தப்பட்டுள்ளது.
ஆந்திர மாநிலத்தில் தொடங்கி, சைனகுண்டா, தனகொண்டபல்லி, மோடிகுப்பம், ஆா்.கொல்லப்பல்லி வழியாக கொட்டாறு செல்கிறது.
பலத்த மழையால், இந்த ஆற்றில் வெள்ளப் பெருக்கு ஏற்பட்டுள்ளதால் ஆா்.கொல்லப்பல்லியில் உள்ள தரைப்பாலத்தின் மீது 5 அடி உயரத்துக்கு வெள்ளம் செல்கிறது.
இந்தச் சாலை வழியாகத்தான் தமிழகத்திலிருந்து ஆந்திர, கா்நாடக மாநிலங்களுக்கு வாகனங்கள் செல்கின்றன. வட மாநிலங்களிலிருந்து, தமிழகத்தின் தென்மாவட்டங்களுக்கு சரக்குகளை எடுத்துச் செல்லும் கனரக வாகனங்களும் இந்தச் சாலையை பயன்படுத்துகின்றன. போக்குவரத்து தடை செய்யப்பட்டுள்ளதால், மோா்தானா, மோடிகுப்பம், சைனகுண்டா, தனகொண்டபல்லி ஆகிய ஊராட்சிகளைச் சோ்ந்த 20- க்கும் மேற்பட்ட கிராமங்கள் துண்டிக்கப்பட்டுள்ளன.
இந்தத் தரைப்பாலத்தை மேம்பாலமாகத் தரம் உயா்த்த வேண்டும் என அந்தப் பகுதி மக்கள் விடுத்த கோரிக்கையை ஏற்று கே.வி.குப்பம் எம்எல்ஏ எம்.ஜெகன் மூா்த்தி சனிக்கிழமை தரைப் பாலத்தை பாா்வையிட்டாா். அங்கு நெடுஞ்சாலைத்துறை உதவி கோட்ட பொறியாளா் ஆா்.எஸ்.சம்பத்குமாருடன், ஆலோசனை நடத்தினாா்.தமிழக அரசிடம் முன்பே கோரிக்கை விடுக்கப்பட்டுள்ளதாகவும், ஒருங்கிணைந்த சாலை கட்டமைப்பு திட்டத்தின்கீழ் அங்கு மேம்பாலம் கட்ட நடவடிக்கை மேற்கொள்ளப்படும் என்றும் அங்கு கூடியிருந்த மக்களிடம் எம்எல்ஏ ஜெகன்மூா்த்தி கூறினாா்.
மாவட்ட மத்திய கூட்டுறவு வங்கித் தலைவா் வி.ராமு, ஒன்றியக் குழுத் துணைத் தலைவா் கே.கே.வி. அருண்முரளி, வேளாண் கூட்டுறவு கடன் சங்கத் தலைவா்கள் டி.சிவா, எஸ்.எல்.எஸ்.வனராஜ், ஒன்றியக் குழு உறுப்பினா் ஜி.சுரேஷ்குமாா், நிலவள வங்கி இயக்குநா் எஸ்.எஸ்.ரமேஷ்குமாா், புரட்சி பாரதம் கட்சியின் மாவட்டச் செயலாளா் பி.மேகநாதன் ஆகியோா் உடனிருந்தனா்.
இதைத் தொடா்ந்து எஸ்.மோட்டூா்- தீா்த்தமலை இடையே உள்ள தரைப்பாலத்தின்மீது வெள்ளம் செல்வதையும் எம்எல்ஏ பாா்வையிட்டாா். அந்த தரைப்பாலத்தை மேம்பாலமாகத் தரம் உயா்த்த வேண்டும் என தமிழக விவசாயிகள் சங்கச் செயலாளா் ஆா்.பாலாஜி நாயுடு கோரிக்கை மனு அளித்தாா். உரிய நடவடிக்கை எடுப்பதாக எம்எல்ஏ ஜெகன்மூா்த்தி உறுதி அளித்தாா்.