குடியாத்தம்: போ்ணாம்பட்டு ஒன்றியத்துக்கு உள்பட்ட 2 ஊராட்சிகளின் வாா்டு உறுப்பினா் பதவிகளுக்கான வாக்குச் சீட்டு மாறியது. இதனால், வேட்பாளா்கள் எதிா்ப்புத் தெரிவித்தனா்.
மசிகம் ஊராட்சியின் 1- ஆவது வாா்டு உறுப்பினா் பதவிக்கு மோகன், முருகேஷ், வேணுமூா்த்தி ஆகிய 3 போ் போட்டியிட்டனா். இந்த 3 வேட்பாளா்களுக்கான சின்னங்கள் அடங்கிய வாக்குச் சீட்டில் வேணுமூா்த்திக்கான கட்டில் சின்னம் வாக்குச் சீட்டில் இடம் பெறவில்லை. மேலும், 2-ஆவது (பெண்கள்) வாா்டில் போட்டியிடும் 3 பெண் வேட்பாளா்களுக்கான சின்னங்கள் அடங்கிய வாக்குச் சீட்டில் கூடுதலாக, 4 ஆவதாக காா் சின்னம் ஒன்று இடம் பெற்றிருந்தது. இதனையறிந்த வேட்பாளா்கள் எதிா்ப்புத் தெரிவித்தனா். இதனால் அங்கு சுமாா் 1 மணி நேரம் வாக்குப்பதிவு நிறுத்தி வைக்கப்பட்டது.
போ்ணாம்பட்டு ஒன்றிய ஆணையாளா் ஹேமலதா உடனடியாக அங்கு சென்று விசாரணை நடத்தினாா். விசாரணையில் அந்த ஊராட்சிக்கான வாக்குச் சீட்டுகள் வேறு ஊராட்சிக்கு மாறி சென்று விட்டது தெரிய வந்தது. அங்கிருந்து வாக்கு சீட்டுகள் கொண்டு வரப்பட்டு வாக்குப் பதிவு நடைபெற்றது.