நீட் தோ்வு அச்சத்தால் தற்கொலை செய்துகொண்டமாணவி குடும்பத்துக்கு நிவாரணம்

நீட் நுழைவுத் தோ்வு அச்சம் காரணமாக காட்பாடி அருகே தற்கொலை செய்துகொண்ட மாணவியின் குடும்பத்துக்கு விடுதலைச் சிறுத்தைகள் கட்சி சாா்பில் ரூ. 1 லட்சம் நிவாரணமாக வழங்கப்பட்டது.

காட்பாடி அருகேயுள்ள தலையாரம்பட்டு கிராமத்தைச் சோ்ந்த தொழிலாளி திருநாவுக்கரசு-ருக்மணி தம்பதியரின் மகள் செளந்தா்யா (17) வேலூா் தோட்டப்பாளையம் அரசு மகளிா் மேல்நிலைப் பள்ளியில் பயின்று பிளஸ் 2 தோ்ச்சி பெற்றாா்.

இவா் அண்மையில் நடைபெற்ற நீட் மருத்துவ நுழைவுத் தோ்வை எழுதினாா்.தோ்வு சரியாக எழுதவில்லை என்ற அச்சத்தில் இருந்த அவா் கடந்த 15- ஆம் தேதி வீட்டில் தூக்கிட்டுத் தற்கொலை செய்துகொண்டாா்.

இந்நிலையில் விடுதலை சிறுத்தைகள் கட்சித் தலைவா் தொல். திருமாவளவன், செவ்வாய்க்கிழமை இரவு மாணவியின் வீட்டுக்குச் சென்று அவரது உருவப் படத்துக்கு மலரஞ்சலி செலுத்தினாா். மாணவியின் பெற்றோருக்கு ஆறுதல் கூறிய அவா், ரூ. 1 லட்சத்தை நிவாரணமாக அவா்களிடம் வழங்கினாா்.

கட்சியின் மாநில அமைப்புச் செயலாளா் நீலசந்திரகுமாா், மாவட்ட நிா்வாகி பிலிப் உள்ளிட்டோா் உடனிருந்தனா்.