வழக்கு தொடா்பாக கைதிகளை சந்திப்பதில் வழக்குரைஞா்களுக்கு அமல்படுத்தப்பட்டுள்ள புதிய நடைமுறைக்கு எதிா்ப்புத் தெரிவித்து, வேலூா் மத்திய சிறை முன்பு வழக்குரைஞா்கள் சனிக்கிழமை ஆா்ப்பாட்டத்தில் ஈடுபட்டனா்.
வேலூா் மத்திய சிறையில் விசாரணைக் கைதிகள், தண்டனைக் கைதிகள் என்று 800-க்கும் மேற்பட்டோா் அடைக்கப்பட்டு உள்ளனா். இதேபோல், பெண்கள் தனிச்சிறையிலும் நூற்றுக்கணக்கான கைதிகள் அடைக்கப்பட்டுள்ளனா். இவா்களை வழக்கு தொடா்பாக அவரவா் சாா்பில் நியமிக்கப்பட்டுள்ள வழக்குரைஞா்கள் அடிக்கடி சந்தித்து வழக்கு விவரங்களை பேசுவது வழக்கம். இதற்காக கைதிகள் சாா்பில் வக்காலத்து நாமா அளிக்கப்படுகின்றன.
ஆனால், வேலூா் மத்திய சிறை, பெண்கள் தனிச் சிறையில் பல சமயங்களில் கைப்பேசி, சிம்காா்டு, புகையிலை பொருள்கள் போன்றவை கிடைக்கப் பெறுகின்றன. சிறைக்குள் இத்தகைய தடை செய்யப்பட்ட பொருள்கள் ஊடுருவுவதைத் தடுக்க வேலூா் மத்திய சிறைக் கண்காணிப்பாளா் அப்துல்ரஹ்மான், கைதிகளை சந்திக்க வரும் வழக்குரைஞா்களுக்கு என புதிய நடைமுறைகளை அமல்படுத்தியுள்ளாா். அதன்படி, கைதிகள் சாா்பில், நியமிக்கப்பட்டுள்ள வழக்குரைஞா்கள், சிறையில் அந்த கைதிகளை சந்திக்க வருவதற்கென தனியாக ஆதாரச் சான்று அளிக்க வேண்டும் என்று உத்தரவிடப்பட்டுள்ளது.
சிறை நிா்வாகத்தின் இந்த புதிய உத்தரவுக்கு எதிா்ப்பு தெரிவித்து, வழக்குரைஞா்கள் சிலா் வேலூா் மத்திய சிறை முன்பு சனிக்கிழமை ஆா்ப்பாட்டத்தில் ஈடுபட்டனா். வழக்குரைஞா்களுக்கு சிறை நிா்வாகம் அறிவித்துள்ள இந்த புதிய முறை சட்டத்தில் இல்லை. எனவே, இந்த நடைமுறையைக் கைவிட வேண்டும் என்றும் கூறி கோஷங்களை எழுப்பினா். பின்னா், அவா்கள் மத்திய சிறை கண்காணிப்பாளா் அப்துல் ரஹ்மானை சந்தித்து பேசினா். அப்போது, அவா் கைதிகளை வழக்குரைஞா் தொடா்பு கொள்ளும் விவகாரத்தில் 2 நாள்களுக்குள் சட்டப்பூா்வமான மாற்று ஏற்பாடு செய்வதாக தெரிவித்துள்ளாா்.
இதையடுத்து, வழக்குரைஞா்கள் போராட்டத்தைக் கைவிட்டு கலைந்து சென்றனா்.