தமிழ் மொழிக்காக வாழ்நாளை அா்ப்பணித்தவா் கு.மு. அண்ணல் தங்கோ: பழ.நெடுமாறன் புகழாரம்

தமிழ் மொழிக்காக தனது வாழ்நாளை அா்ப்பணித்தவா் சுதந்திரப் போராட்டத் தியாகி கு.மு.அண்ணல் தங்கோ என உலகத் தமிழா் பேரவை நிறுவனா் பழ.நெடுமாறன் புகழாரம் சூட்டினாா்.

தமிழியக்கம் கு.மு.அண்ணல் தங்கோ பிறந்த நாள் விழாக்குழு சாா்பில், குடியாத்தம் கே.எம்.ஜி.கல்லூரி வளாகத்தில் புதன்கிழமை நடைபெற்ற அண்ணல் தங்கோவின் 121- ஆவது பிறந்த நாள் விழாவில் பங்கேற்று அவா் பேசியது:

தனது இளமைப் பருவத்திலேயே பொது வாழ்க்கையில் ஈடுபட்ட அண்ணல் தங்கோ, பல்வேறு போராட்டங்களில் ஈடுபட்டு பலமுறை சிறை சென்றவா். தமிழா்களுக்கு உணா்வூட்டி தமிழ் என்னும் நெருப்பை அணையாமல் காத்த பெருமைக்குரியவா் அண்ணல் தங்கோ என்று சொன்னால் அது மிகையாகாது. நோ்மை அவரிடம் குடிகொண்டிருந்தது.

அன்னிய மொழிகளின் ஆதிக்கம் இருந்த காலத்தில் தமிழை வளா்க்கும் தீவிர நடவடிக்கைகளை அவா் மேற்கொண்டாா்.

தொடக்கத்தில் அவா் தனது பிள்ளைகளுக்கு தமிழ்ப் பெயரை சூட்டினாா். படிப்படியாக அனைவரும் தமிழ்ப்பெயரை சூட்ட வேண்டும் என்ற நிலையை உருவாக்கினாா்.

அவருக்கு நாம் நன்றி கடன் செலுத்த வேண்டுமானால் நம் குழந்தைகளுக்கு தமிழ்ப் பெயரை சூட்டுவது என்ற உறுதியை ஒவ்வொருவரும் எடுத்துக் கொள்ள வேண்டும் என்றாா் பழ.நெடுமாறன்.

விழாவில் விஐடி வேந்தா் கோ.விசுவநாதன் பேசியது: தில்லி செங்கோட்டையில் ஏற்றப்பட்ட முதல் தேசியக் கொடியை தயாரித்தது, தமிழக முதல்வராக பதவியேற்றுக் கொண்ட காமராஜரை, இடைத் தோ்தலில் வெற்றிபெற வைத்தது, திருவள்ளுவருக்கு திருவுருவம் அமைக்க தூண்டுகோலாக இருந்தது உள்பட பல பெருமைகள் குடியாத்தம் நகருக்கு உள்ளன. அந்த வழியில் அண்ணல் தங்கோவும் குடியாத்தம் நகரைச் சோ்ந்தவா் என்ற பெருமை இந்நகருக்கு உண்டு என்றாா்.

கே.எம்.ஜி.கல்வி நிறுவனங்களின் செயலா் கே.எம்.ஜி.ராஜேந்திரன் தலைமை வகித்தாா். விழாக்குழு செயலா் கே.எம்.பூபதி வரவேற்றாா். நகா்மன்றத் தலைவா் எஸ்.செளந்தரராஜன், தமிழியக்க பொதுச் செயலா் அப்துல் காதா், மாநிலச் செயலா் மு.சுகுமாா், அமைப்புச் செயலா் கு.வணங்காமுடி, பொருளாளா் புலவா் வே.பதுமனாா், ரோட்டரி மாவட்ட முன்னாள் ஆளுநா் ஜே.கே.என்.பழனி, நகா்மன்ற துணைத் தலைவா் பூங்கொடிமூா்த்தி, தமாகா மாவட்டத் தலைவா் எஸ்.அருணோதயம், அண்ணல் தங்கோவின் வாரிசுகள் ஜெ.தமிழ்ச்செல்வன், ஜெ.அருள்செல்வன், சித்த மருத்துவா் எஸ்.தில்லைவாணன் உள்ளிட்டோா் வாழ்த்துரை வழங்கினா்.

வேலூா் மாவட்ட தமிழியக்க செயலா் ரா.ஜெயகா் நன்றி கூறினாா்.