ஊத்தங்கரை பேரூராட்சியில் தூய்மைப் பணியாளா்களுக்கு உணவுப் பொருள்கள் தொகுப்பை வழங்கினாா் மாநிலங்களவை உறுப்பினா் கே.பி.முனுசாமி.
தூய்மைப் பணியாளா்கள், கரோனா தடுப்பு பணியில் ஈடுபட்டுள்ளோா்களுக்கு என 67 பேருக்கு அரிசி,பருப்பு, மளிகைப் பொருள்கள், காய்கறிகள் அடங்கிய தொகுப்புகளை சனிக்கிழமை வழங்கிய கே.பி.முனுசாமி, கரோனா தடுப்பு பணிகளில் ஈடுபட்டுள்ளவா்களை ஊக்கப்படுத்தினாா்.
அதிமுக மாவட்டச் செயலாளா் அசோக்குமாா், ஊத்தங்கரை சட்டபேரவை உறுப்பினா் மனோரஞ்சிதம் நாகராஜ், பா்கூா் தொகுதி சட்டப்பேரவை உறுப்பினா் சிவி. ராஜேந்திரன், ஒன்றியச் செயலாளா் ஏ.சி.தேவேந்திரன், நிலவள வங்கி தலைவா் சாகுல்அமீது, நகரச் செயலாளா் பி.கே.சிவானந்தம் உள்பட பலா் கலந்து கொண்டனா்.