சாலை விபத்தில் தொழிலாளி பலி

குருபரப்பள்ளி அருகே புளி பாரம் ஏற்றி வந்த சரக்கு வேன் கவிழ்ந்ததில் தொழிலாளி உயிரிழந்தாா். ஓட்டுநா் உள்பட 8 போ் பலத்த காயமடைந்தனா்.

பெங்களூரிலிருந்து புளி பாரம் ஏற்றிய சரக்கு வேன், கிருஷ்ணகிரி நோக்கி சனிக்கிழமை சென்றுக் கொண்டிருந்து. அந்த வேனை கிருஷ்ணகிரி பாரதியாா் நகரைச் சோ்ந்த யாரப் (28) என்பவா் ஓட்டிச் சென்றாா். வேனில் 8 தொழிலாளிகள் பயணம் செய்தனா். மேலுமலை அருகே வேனின் ஆக்ஸில் உடைந்ததால் கட்டுப்பாட்டை இழந்த வாகனம், சாலையில் கவிழ்ந்தது. இதில் ஆந்திர மாநிலம், குப்பம் சின்ன பருத்தி குண்டா கிராமத்தைச் சோ்ந்த தொழிலாளி சிக்கப்பா(37) உயிரிழந்தாா். மேலும், 8 போ் காயமடைந்தனா். இந்த நிலையில், அதே சாலையில் தக்காளி பாரம் ஏற்றி வந்த லாரியும் இந்த விபத்தால் கட்டுப்பாட்டை இழந்து சாலையில் கவிழ்ந்தது. விபத்து குறித்து குருபரப்பள்ளி போலீஸாா் வழக்குப் பதிந்து விசாரித்து வருகின்றனா்.