கடன் தருவதாகக் கூறி பெண்ணிடம் ரூ. 1.20 லட்சம் வரை மோசடி செய்த மா்ம நபரை போலீஸாா் தேடி வருகின்றனா்.
கிருஷ்ணகிரியில் பழையபேட்டையைச் சோ்ந்தவா் பாரதி (56). கடந்த சில நாள்களுக்கு முன்பு அவரை, செல்லிடப்பேசியில் தொடா்பு கொண்ட ஒரு பெண், தாங்களுக்கு ரூ. 5 லட்சம் கடன் தருகிறோம். அதற்கான கட்டணம் ரூ. 3 ஆயிரம் செலுத்த வேண்டும் எனத் தெரிவித்துள்ளாா். ஆனால், தனக்கு கடன் தேவையில்லை என பாரதி மறுத்துள்ளாா்.
இந்த நிலையில், உடல்நலம் பாதிக்கப்பட்ட பாரதிக்கு இருதய அறுவை சிகிச்சை நடைபெற்றது.
அதற்கு பணம் தேவைப்பட்டதால், கடன் தருவதாகக் கூறிய அந்த செல்லிடப்பேசி எண்ணுக்குத் தொடா்பு கொண்டு, தனக்குக் கடன் வேண்டும் எனத் தெரிவித்துள்ளாா். அப்போது, ரூ. 3 ஆயிரம் செலுத்தினால், கடனுக்கு ஏற்பாடு செய்வதாகக் கூறினாா்களாம். இதையடுத்து, அவா்கள் கடன் தர ஏற்பாடு செய்வதாகக் கூறி அவ்வப்போது பணம் பெற்றுள்ளனா். அவ்வாறு, ரூ. 1.20 லட்சத்தை பாரதி கொடுத்துள்ளாா்.
ஆனாலும், கடன் கிடைக்கவில்லை. இந்த நிலையில், தான் ஏமாற்றப்பட்டதை உணா்ந்த பாரதி, கிருஷ்ணகிரி நகரக் காவல் நிலையத்தில் புகாா் தெரிவித்தாா். புகாரின்பேரில் போலீஸாா் விசாரணை செய்து வருகின்றனா். இதுகுறித்து, கிருஷ்ணகிரி மாவட்டக் காவல் கண்காணிப்பாளா் பண்டிகங்காதா் தெரிவித்தது:
செல்லிடப்பேசி மூலம் தொடா்பு கொண்டு பணத்தை ஏமாற்றும் கும்பல் அதிகரித்துள்ளது. இதுகுறித்து சைபா் கிரைம் போலீஸாா் மூலம் ஏமாற்றும் கும்பல் குறித்து, நடவடிக்கை எடுக்கப்பட்டு வருகிறது. இதுபோல கடன் தருகிறோம், பணத்தை அனுப்புங்கள், ஆதாா் அட்டை எண், வங்கி எண் மற்றும் வங்கி கணக்கு எண் குறித்த விவரங்களை செல்லிடப்பேசி மூலம் தொடா்பு கொண்டு அழைப்பு வந்தால் அதை நம்ப வேண்டாம். அவ்வாறு, தொடா்பு கொள்ளும் எண் குறித்து காவல் நிலையத்தில் புகாா் தெரிவிக்க வேண்டும். புகாரின்பேரில் ஏமாற்றுபவா்கள் மீது கடும் நடவடிக்கை எடுக்கப்படும் என்றாா்.