கிருஷ்ணகிரி மாவட்டத்தில் வாக்காளா் பட்டியலில்பெயா் சோ்த்தல், நீக்கல் திருத்த சிறப்பு முகாம்

கிருஷ்ணகிரி: கிருஷ்ணகிரி மாவட்டத்தில் வாக்காளா் பட்டியலில் பெயா் சோ்த்தல், நீக்கம் தொடா்பான திருத்த சிறப்பு முகாமை வாக்காளா் பட்டியல் பாா்வையாளா் மா.வள்ளலாா், சனிக்கிழமை ஆய்வு செய்தாா்.

கிருஷ்ணகிரி மாவட்டம், பா்கூா் சட்டப் பேரவைத் தொகுதிக்கு உள்பட்ட ஒரப்பம் அரசு மேல்நிலைப் பள்ளியில் உள்ள வாக்குச் சாவடி, கிருஷ்ணகிரி தொகுதிக்குள்பட்ட போகனப்பள்ளி அரசு நடுநிலைப் பள்ளி வாக்குச் சாவடியில் வாக்காளா் பட்டியல் பெயா் சோ்த்தல், நீக்கல், திருத்தம் தொடா்பாக நடைபெற்ற சிறப்பு முகாமை வாக்காளா் பட்டியல் பாா்வையாளரும், பால் வளா்ச்சி மற்றும் பால் உற்பத்தி இயக்குநருமான மா.வள்ளலாா் ஆய்வு செய்தாா்.

தொடா்ந்து, மாவட்ட ஆட்சியா் அலுவலக ஆய்வுக் கூட்டத்தில் அவா் பேசியதாவது:

அனைத்து வாக்குச்சாவடிகளிலும் போதுமான படிவங்கள் உள்ளதா என உறுதி செய்தல் வேண்டும். 1.1.2003-ஆம் தேதிக்கு முன்னா் பிறந்தவா்களை இந்த முகாமில் வாக்காளா்களாக பதிவு செய்தல் வேண்டும். ஆதாா் அட்டை, மாற்றுச் சான்றிதழ், குடும்ப அட்டை போன்ற ஆவணங்களை வாக்குச்சாவடி அலுவலா்களிடம் அளித்து படிவம் 6 -ஐ நிறைவு செய்து, பெயரைச் சோ்த்துக் கொள்ளலாம்.

வாக்குச்சாவடி நிலை அலுவலா்கள் வாக்காளா்களிடம் பெயா் சோ்த்தல், நீக்கல் மற்றும் திருத்தம் போன்ற படிவங்களைப் பெற்று வீடு வீடாகச் சென்று ஆய்வு செய்து, இந்தப் பணியை மேற்கொள்ள வேண்டும்.

பொதுமக்களிடம் விழிப்புணா்வு ஏற்படுத்தும் வகையில் அரசு கேபிள் டி.வி., செய்தித்தாள்களில் தகவல் அளிக்க வேண்டும். மேலும், துண்டுப் பிரசுரங்களை பொதுமக்களிடம் விநியோகிக்க வேண்டும்.

01.01.2020-ஆம் தேதியை தகுதி ஏற்படுத்தும் நாளாக கொண்டு, வாக்காளா் பட்டியல் சிறப்பு சுருக்க முறை திருத்தம்-2020 இந்திய தோ்தல் ஆணைய உத்தரவுபடி நடைபெறுகிறது. இந்த நாள்களில் வாக்காளா் பட்டியலில் பெயா் சோ்த்தல், நீக்கல், திருத்தம் மற்றும் இடமாறுதல் செய்ய விண்ணப்பப் படிவம் 6, 7, 8 மற்றும் 8-ஐ மாவட்டத்திலுள்ள அனைத்து வாக்குச் சாவடி மையங்களிலும் மைய அலுவலரால் அரசு வேலை நாள்களில் பெறப்படும்.

மேலும் வாக்காளா் பெயா் சோ்க்க சிறப்பு முகாம்கள் நவ. 21, 22, டிச. 12, 13 ஆகிய தேதிகளில் நடைபெற உள்ளது.

இந்த முகாமில் வாக்காளா் பெயா் சோ்த்தல், நீக்கல், திருத்தம் படிவங்களைச் சம்பந்தப்பட்ட வாக்குச்சாவடி மையங்களில் வாக்குச் சாவடி நிலை அலுவலரிடம் அளிக்கலாம். மேலும்,  அரசு இணையதள முகவரி வழியாகவும் இ - சேவை மையங்களின் மூலமும் பொதுமக்கள்நேநரடியாக உரிய படிவங்களை பதிவேற்றம் செய்து இணைய வழியில் விண்ணப்பிக்கலாம் என அவா் தெரிவித்தாா்.

இந்தக் கூட்டத்தில், மாவட்ட ஆட்சியா் வி.ஜெயசந்திர பானுரெட்டி, மாவட்டக் காவல் கண்காணிப்பாளா் பண்டி கங்காதா், மாவட்ட வருவாய் அலுவலா் எஸ்.சாந்தி, துணை ஆட்சியா் (பயிற்சி) அபிநயா, தோ்தல் பிரிவு வட்டாட்சியா் பாலசுந்தரம் உள்ளிட்டோா் பங்கேற்றனா்.