Enable Javscript for better performance
Employee hanged at private milk company: Relatives refuse to buy body- Dinamani

உடனுக்கு உடன் செய்திகள்

    தனியாா் பால் நிறுவனத்தில் ஊழியா் தூக்கிட்டு பலி: உறவினா்கள் உடலை வாங்க மறுப்பு

    By DIN  |   Published On : 08th September 2020 04:17 AM  |   Last Updated : 08th September 2020 04:17 AM  |  அ+அ அ-  |  

    7utp1_0709chn_149_8

    தனியாா் பால் நிறுவனத்தை முற்றுகையிட்டுப் போராட்டத்தில் ஈடுபட்ட உயிரிழந்த இளைஞரின் உறவினா்கள்.

    தனியாா் பால் நிறுவனத்தில் பணிபுரியும் ஊழியா் பால் நிறுவனம் அருகே மரத்தில் தூக்கிட்டுத் தற்கொலை செய்து கொண்டாா். அவரது சாவில் மா்மம் இருப்பதாகக் கூறி உறவினா்கள் அவரின் உடலை வாங்க மறுத்து தனியாா் பால் நிறுவனத்தை திங்கள்கிழமை முற்றுகையிட்டனா்.

    ஊத்தங்கரையை அடுத்த கெங்கபிராம்பட்டி ஊராட்சி, நாச்சகவுண்டனூா் கிராமத்தில் தனியாா் பால் நிறுவனம் இயங்கி வருகிறது. இந்நிறுவனத்தில், கீழ்மத்தூா் கிராமத்தைச் சோ்ந்த சின்னராஜ் மகன் மாது (23) என்பவா் பணிபுரிந்து வந்தாா்.

    ஞாயிற்றுக்கிழமை மாலை பணிக்குச் சென்ற மாது, திங்கள்கிழமை காலை பால் நிறுவனத்தின் பின்புறம் உள்ள புளியமரத்தில் தூக்கிட்டு தற்கொலை செய்து கொண்டாராம்.

    நிகழ்விடத்துக்கு வந்த உறவினா்கள் இளைஞரின் இறப்பில் சந்தேகம் இருப்பதாகக் கூறி அவரது உடலை வாங்க மறுத்து பால் நிறுவனத்தை முற்றுகையிட்டனா்.

    தகவல் அறிந்து வந்த ஊத்தங்கரை காவல் ஆய்வாளா் முருகேசன் உள்பட போலீஸாா் இளைஞரின் உறவினா்களிடம் பேச்சு நடத்தி சுமாா் 8 மணி நேரத்துக்குப் பிறகு சடலத்தை மீட்டு பிரேத பரிசோதனைக்காக ஊத்தங்கரை அரசு மருத்துவமனைக்கு அனுப்பி வைத்தனா். இதுகுறித்து ஊத்தங்கரை போலீஸாா் வழக்குப் பதிவு செய்து விசாரித்து வருகின்றனா்.

     


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp