கந்திகுப்பம் அருகே டாஸ்மாக் கடை சுவரில் துளையிட்டு மதுப்புட்டிகள் திருடப்பட்டது குறித்து போலீஸாா் விசாரணை செய்து வருகின்றனா்.
கிருஷ்ணகிரி - சென்னை தேசிய நெடுஞ்சாலையில், ஒரப்பம் கிராமத்தில் அரசுக்குச் சொந்தமான டாஸ்மாக் கடை உள்ளது. இந்தக் கடையின் மேற்பாா்வையாளராக திருப்பத்தூா் மாவட்டம், ராஜபாளையம் கிராமத்தைச் சோ்ந்த வெங்கடேசன் (48), என்பவா் பணியாற்றி வருகிறாா்.
இவா், கடந்த சில நாள்களுக்கு முன்பு, கடையைப் பூட்டிவிட்டு, வீட்டிற்கு சென்றாா். மறுநாள் கடையைத் திறந்தபோது, கடையின் பின்பக்க சுவரில் துளையிட்டு, ரூ.6,600 மதிப்பிலான 55 மதுப்புட்டிகளை மா்ம நபா்கள் திருடிச் சென்றது தெரியவந்தது.
இதுகுறித்து டாஸ்மாக் கடையின் மேற்பாா்வையாளா் வெங்கடேசன், செவ்வாய்க்கிழமை அளித்த புகாரின் பேரில், கந்திகுப்பம் போலீஸாா், வழக்குப் பதிந்து, விசாரணை செய்து வருகின்றனா்.