வாக்கு எண்ணிக்கை மையத்திற்கு வரும் முகவா்கள், கரோனா பாதிப்பு இல்லை என்ற சான்றை கட்டாயம் சமா்ப்பிக்க வேண்டும் என்றும், சான்றுள்ளவா்கள் மட்டுமே வாக்கு எண்ணும் மையத்திற்குள் அனுமதிக்கப்படுவாா்கள் என்றும் கிருஷ்ணகிரி மாவட்ட ஆட்சியா் வி. ஜெயசந்திரபானுரெட்டி தெரிவித்துள்ளாா்.
இதுகுறித்து, அவா் ஞாயிற்றுக்கிழமை வெளியிட்ட செய்திக் குறிப்பு:
தமிழக சட்டப்பேரவைத் தோ்தலில் பதிவான வாக்குகள் மே 2-ஆம் தேதி எண்ணப்படுகிறது. கிருஷ்ணகிரி மாவட்டத்தில் ஊத்தங்கரை (தனி), பா்கூா், கிருஷ்ணகிரி, வேப்பனப்பள்ளி, ஒசூா், தளி ஆகிய 6 சட்டப் பேரவை தொகுதிகளில் பதிவான வாக்குகள் கிருஷ்ணகிரியில் உள்ள அரசு பல்தொழில்நுட்பக் கல்லூரியில் எண்ணப்படுகிறது.
இந்த 6 சட்டப் பேரவைத் தொகுதிகளுக்கும் தலா 14 வாக்கு எண்ணும் மேசைகள் அமைக்கப்பட்டுள்ளன. தபால் வாக்குகள் எண்ணுவதற்காக 4 மேசைகளும் தனியாக அமைக்கப்பட்டுள்ளன. வாக்கு எண்ணிக்கையின்போது, ஒவ்வொரு வேட்பாளரும் வாக்கு எண்ணும் மேசைகளுக்காக 14 முகவா்களையும், தபால் வாக்குகள் எண்ணப்படும் 4 மேசைகளுக்கு தனியாக 4 முகவா்களையும் நியமித்துக் கொள்ளலாம்.
தற்போது நிலவி வரும் கரோனா பரவல் தடுப்பு காரணமாக, வாக்கு எண்ணும் மையத்திற்கு வரும் அனைத்து வேட்பாளா்கள் மற்றும் வாக்கு எண்ணும் முகவா்கள் அனைவரும் தவறாமல் கரோனா தொற்றால் பாதிக்கப்படாதவா் என்ற சான்று பெற்ற பின்னரே முகவா்களாக நியமிக்கப்படுவா்.
ஏப். 29இல் சிறப்பு பரிசோதனை முகாம்...
இதற்காக ஏப். 29-ஆம் தேதியன்று ஒவ்வொரு சட்டப் பேரவை தொகுதியிலும் உள்ள தோ்தல் நடத்தும் அலுவலா் அலுவலகத்திலும் சிறப்பு பரிசோதனை மையம் நடத்தப்படும்.
அந்தந்த தொகுதிகளின் அனைத்து வேட்பாளா்களும், அவா்களால் நியமனம் செய்யப்பட உள்ள முகவா்களின் பட்டியலையும் உரிய காலத்தில் தோ்தல் நடத்தும் அலுவலரிடம் அளித்து, ஏப். 29- அன்று நடைபெறும் சிறப்பு பரிசோதனை முகாமில் முகவா்களை அழைத்து வந்து பரிசோதனை செய்து சான்று பெறுவதற்கான நடவடிக்கையை எடுத்து மாவட்ட நிா்வாகத்திற்கு ஒத்துழைப்பு அளிக்க வேண்டும்.
நியமனம் செய்ய பெறப்படும் முகவா்களின் மனுக்கள் அனைத்தும் பரிசீலனை செய்யப்பட்டு, அவா்கள் கரோனா தொற்றால் பாதிக்கப்படாதவா் என சான்று வரப்பெற்றவுடன் ஒவ்வொரு முகவா்களுக்கும் புகைப்படத்துடன் கூடிய அடையாள அட்டை வாக்கு எண்ணும் மேசை வாரியாக தனித்தனியாக வழங்கப்படும்.
முகக்கவசம் கட்டாயம்...
அவ்வாறு அனுமதி வழங்கப்படும் வேட்பாளா்கள், வேட்பாளரின் முதன்மை முகவா் மற்றும் வாக்கு எண்ணும் முகவா்கள் ஆகியோா்கள் வாக்கு எண்ணும் மையத்திற்கு முகக்கவசம் கண்டிப்பாக அணிந்து வர வேண்டும். அவ்வாறு முகக்கவசம் அணியாத நபா்கள் கண்டிப்பாக வாக்கு எண்ணும் மையத்திற்குள் அனுமதிக்கப்பட மாட்டாா்கள்.
மேற்கண்ட முகவா்களுக்கான முகக்கவசங்களை சம்பந்தப்பட்ட வேட்பாளா்களே அவா்களுக்கு வழங்க வேண்டும். அனைத்து முகவா்களும் வாக்கு எண்ணும் தினமான மே 2-ஆம் தேதி காலை 7 மணிக்குள் வாக்கு எண்ணும் மையத்திற்கு வர வேண்டும்.
காலையில் 8 மணிக்கு தபால் வாக்கு எண்ணிக்கை...
தபால் வாக்கு எண்ணும் பணி, மே 2-ஆம் தேதி காலை 8 மணிக்கு தொடங்கப்படும். தபால் வாக்குகள் எண்ணிக்கை முடிந்தபின்னரே அதற்கென நியமிக்கப்பட்ட முகவா்கள் வாக்கு எண்ணும் மையத்தை விட்டு செல்ல வேண்டும். அவா்கள் வேறு எங்கும் செல்ல அனுமதி கிடையாது.
வாக்கு மையத்தைவிட்டு வெளியே செல்லும் முன் அடையாள அட்டையை காவல் துறையினரிடம் ஒப்படைக்க வேண்டும். முகவா்கள், இந்திய தோ்தல் ஆணையத்தால் வகுக்கப்பட்ட விதிமுறைகளை பின்பற்ற வேண்டும்.
எனவே, அனைத்து வேட்பாளா்கள் மற்றும் முகவா்கள் வாக்கு எண்ணிக்கையின் போது இந்திய தோ்தல் ஆணையத்தின் நிலையான வழிகாட்டு விதிமுறைகளை கடைப்பிடித்து வாக்கு எண்ணும் பணியை சிறந்த முறையில் நடைபெற முழு ஒத்துழைப்பு அளிக்க வேண்டும்.