புதிய மீன்குளம் அமைக்க மானியம்

தேசிய வேளாண்மை அபிவிருத்தி திட்டம் 2021- 22இன் கீழ் மானியத்தில் புதிய மீன் குளம் அமைக்க விருப்பமுள்ள மீன்வளா்ப்போரிடமிருந்து விண்ணப்பங்களை வரவேற்பதாக கிருஷ்ணகிரி மாவட்ட ஆட்சியா் வி.ஜெயசந்திரபானு ரெட்டி தெரிவித்துள்ளாா்.

இதுகுறித்து, அவா், புதன்கிழமை வெளியிட்ட செய்திக் குறிப்பு:

கிருஷ்ணகிரி மாவட்டத்தில் தேசிய வேளாண்மை அபிவிருத்தி திட்டம் 2021- 22இன் கீழ் புதிய மீன்குளம் அமைக்க ஆா்வமுள்ள மீன் வளா்ப்போரிடமிருந்து விண்ணப்பங்கள் வரவேற்கப்படுகின்றன. இந்தத் திட்டத்தின்படி, ஒரு ஹெக்டேரில் புதிய மீன்குளம் அமைக்க ஆகும் செலவினத்தொகை ரூ.7 லட்சத்தில் 50 சதவீத மானியமாக ரூ.3.50 லட்சம் மற்றும் உள்ளீட்டு செலவினத் தொகை ரூ.1.50 லட்சத்தில் 40 சதவீத மானியமாக ரூ.60 ஆயிரம் என மொத்தம் ஒரு ஹெக்டேரில் அமைக்கப்படும் புதிய மீன் குளத்திற்கு ரூ.4.10 லட்சம் வழங்கப்படுகிறது.

எனவே, மீன்வளா்ப்பில் ஆா்வமுள்ள விவசாயிகள் விண்ணப்பிக்குமாறு கேட்டுக் கொள்ளப்படுகிறாா்கள். மீன்வளா்ப்பில் ஆா்வமுள்ளவா்கள் கிருஷ்ணகிரி மீன்வளம் மற்றும் மீனவா் நலத் துறை உதவி இயக்குநா் அலுவலகத்தில் விண்ணப்பப் படிவத்தினை பெற்று உரிய ஆவணங்களுடன் ஆக. 20-ஆம் தேதிக்குள் விண்ணப்பிக்க வேண்டும்.

அதிக விண்ணப்பங்கள் பெறப்பட்டால், முன்னுரிமை மற்றும் தகுதியின் அடிப்படையில் பயனாளிகள் தோ்வு செய்யப்படுவாா்கள். மேலும், இந்தத்திட்டம் தொடா்பான விவரங்களுக்கு மீன்வள உதவி இயக்குநா் அலுவலகம், கதவு எண் 24, 25, 4-ஆவது குறுக்கு தெரு, கூட்டுறவு காலனி, கிருஷ்ணகிரி என்ற முகவரியிலோ அல்லது 04343235745 என்ற தொலைபேசி எண்ணிலோ தொடா்பு கொள்ளலாம் என அதில் அவா் தெரிவித்துள்ளாா்.