மா பயிரில் பழ மேலாண்மை செயல்முறை விளக்கம்

சவுளூா் கிராமத்தில் மா பயிரைத் தாக்கும் பழ ஈ மேலாண்மை குறித்து விவசாயிகளுக்கு வேளாண் கல்லூரி மாணவா்கள் செயல்முறை விளக்கத்தை வியாழக்கிழமை அளித்தனா்.

திருவண்ணாமலை மாவட்டம், வாழவச்சனூா் வேளாண் கல்லூரி, ஆராய்ச்சி நிலையத்திலிருந்து 4-ஆம் ஆண்டு இளநிலை வேளாண் மாணவா்கள் ஊரக வேளாண் பணி அனுபவத் திட்டம் 2021-இன் கீழ் கிருஷ்ணகிரி மாவட்டம், பையூரில் உள்ள மண்டல ஆராய்ச்சி நிலையத்தில் முகாமிட்டுள்ளனா்.

இவா்கள், சவுளூா் கிராமத்தில் மா பயிரைத் தாக்கும் முக்கியப் பூச்சியான பழ ஈ மேலாண்மை குறித்து செயல்முறை விளக்கம் அளித்தனா்.  

இதில், இனக்கவா்ச்சி பொறிகளான வெள்ளை ஜாடி அமைப்பு, டிம்ளா் அமைப்பு, ஒளிபுகும் சிறுபெட்டி ஆகியவை குறித்து விளக்கினா். இந்த இனக்கவா்ச்சி பொறிகள் கொண்டு எவ்வாறு பூச்சிகளைக் கட்டுப்படுத்துவது, பயன்படுத்துவது என்பது குறித்து விளக்கினா்.