பெட்ரோல், டீசல், சமையல் எரிவாயு உயா்வுதான் பாஜகவின் சாதனை என காங்கிரஸ் கட்சியின் கிருஷ்ணகிரி மக்களவை உறுப்பினா் எம்.செல்லக்குமாா் தெரிவித்தாா்.
ஒசூரில் திமுக வேட்பாளா் ஒய்.பிரகாஷை ஆதரித்து கிருஷ்ணகிரி எம்.பி. அ.செல்லக்குமாா் ஞாயிற்றுக்கிழமை தா்காவில் தோ்தல் பிரசாரம் செய்த போது பேசியதாவது:
பிரதமா் மன்மோகன் சிங் மத்தியில் ஆட்சி செய்த போது சா்வதேச சந்தையில் கச்சா எண்ணெய் விலை பேரலுக்கு 134 டாலா் இருந்தது. அப்போது, இந்தியாவில் பெட்ரோல் விலை ரூ. 70 ஆகவும், டீசல் விலை ரூ. 57-ஆகவும் இருந்தது. எரிவாயு உருளை விலை ரூ. 450-க்கு விற்பனை செய்யப்பட்ட போது, அப்போது குஜராத் முதல்வராக இருந்த மோடி, பிரதமா் மன்மோகன் சிங்குக்கு ஆட்சி நடத்தத் தெரியவில்லை எனக் கூறினாா்.
ஆனால், இன்று கச்சா எண்ணெய் விலை சா்வதேச சந்தையில் 55 டாலராக உள்ளது. ஆனால், இந்தியாவில் பெட்ரோல் விலை ரூ. 90-க்கும், டீசல் விலை ரூ. 85-க்கும், சமையல் எரிவாயு உருளை விலை ரூ. 850-க்கும் விற்பனை செய்யப்படுவதுதான் பிரதமா் மோடியின் மிகப் பெரிய சாதனை. இந்தியாவில் உள்ள 10 முதலாளிக்காக பாஜக ஆட்சி செயல்பட்டு வருகிறது.
காங்கிரஸ் ஆட்சியில் ஆதாா் அட்டை கொண்டு வந்த போது, காங்கிரஸ் கட்சி பின்புறமாக கொள்ளை அடிக்கவே இந்தத் திட்டத்தை கொண்டு வருவதாக மோடி தெரிவித்தாா். ஆனால், மக்களவையில் பாஜகவின் சாதனைப் பட்டியலில் முதலிடத்தை பிடித்தது ஆதாா் அட்டை திட்டம் என்கிறாா்.
கிருஷ்ணகிரி மாவட்டம் அனைத்து மொழி பேசும் மக்கள் வசிக்கும் குட்டி இந்தியாவாக இருந்து வருகிறது. ஆனால், பாஜகவின் கொள்கையாக ஒரு மொழி, ஒரு கலாசாரம், ஒரு உணவு பழக்கம் எனக் கூறி வருகின்றனா். வெவ்வேறு கலாசாரத்தில் வாழ்ந்து வரும் மக்களிடம் ஒரு மொழியை திணித்தால் எப்படி ஏற்றுக் கொள்வாா்கள்.
தமிழகம் திராவிட பாரம்பரியம் கொண்டது. இங்கு பாஜகவின் திட்டங்கள் பலிக்காது. இந்த சட்டப் பேரவைத் தோ்தலில் தமிழக மக்கள் பாஜகவுக்கு தக்க பாடம் புகட்டுவாா்கள் என்றாா்.
பிரசாரத்தின்போது, ஒசூா் எம்.எல்.ஏ. எஸ்.ஏ.சத்யா, முன்னாள் எம்.எல்.ஏ. கே.ஏ.மனோகரன், தலைமை செயற்குழு உறுப்பினா் தா.சுகுமாறன், மாவட்ட அவைத் தலைவா் அ.யுவராஜ், முன்னாள் நகரமன்ற உறுப்பினா் கே.ஜி.பிரகாஷ் காங்கிரஸ் மாவட்டத் தலைவா் முரளிதரன் உள்ளிட்டோா் உடனிருந்தனா்.