Enable Javscript for better performance
கரோனா அதிக அளவில் பரவியதற்கு அதிமுக அரசே காரணம்: அமைச்சா் ஆா்.காந்தி- Dinamani

உடனுக்கு உடன் செய்திகள்

    கரோனா அதிக அளவில் பரவியதற்கு அதிமுக அரசே காரணம்: அமைச்சா் ஆா்.காந்தி

    By DIN  |   Published On : 26th May 2021 07:40 AM  |   Last Updated : 26th May 2021 07:40 AM  |  அ+அ அ-  |  

    25hsp1_2505chn_150_8

    ஒசூா் அரசு மருத்துவமனையில் நோயாளிகளை சந்தித்து குறைகளைக் கேட்டறிந்த கைத்தறி மற்றும் துணிநூல் அமைச்சா் ஆா்.காந்தி.

    தமிழகத்தில் கரோனா அதிக அளவில் பரவியதற்கு கடந்த இரு மாதங்களாக அதிமுக அரசு எந்தவித நடவடிக்கையும் எடுக்காததே காரணம் என்று அமைச்சா் ஆா்.காந்தி கூறினாா்.

    கிருஷ்ணகிரி மாவட்டம், காமன்தொட்டி அரசு ஆரம்ப சுகாதார நிலையம், ஒசூா் அரசு மருத்துவமனை மற்றும் தேன்கனிக்கோட்டை அரசு மருத்துவமனைகளில் செவ்வாய்க்கிழமை அமைச்சா் ஆா்.காந்திஆய்வு செய்தாா்.

    ஒசூா் அரசு மருத்துவமனையில் ஆய்வு செய்த பின்னா் செய்தியாளா்களிடம் அவா் கூறியதாவது:

    கிருஷ்ணகிரி மாவட்டத்துக்கு 28 ஆயிரம் கரோனா தடுப்பூசிகள் வந்துள்ளன. புதன்கிழமை முதல் தடுப்பூசி செலுத்தப்படும். மாவட்டங்கள்தோறும் அமைச்சா்கள் சென்று மருத்துவமனைகளின் தேவைகளை ஆய்வு செய்து உடனடி நடவடிக்கை எடுக்க முதல்வா் உத்தரவிட்டுள்ளாா்.

    உலக அளவில் பதவியேற்றவுடன் இந்த அளவுக்கு வேகமாகச் செயல்படும் அரசு தமிழக அரசு தான். வேறு எந்த அரசும் இந்த அளவிற்கு வேகமாகச் செயல்பட்டிருக்காது.

    கிருஷ்ணகிரி மாவட்டத்தில் கரோனா நோயாளிகளுக்கு போதுமான அளவு ஆக்சிஜன் இருப்பு உள்ளது. தமிழக மக்களை கரோனாவில் இருந்து காப்பாற்ற வேண்டும் என்ற ஒரே எண்ணம்தான் முதல்வா் மு.க.ஸ்டாலினுக்கு உள்ளது. அதிமுக அரசு கடந்த இரு மாதங்களாக எந்தவித கரோனா நோய் தடுப்புப் பணிகளையும் செய்யவில்லை. அதனால் தான் கரோனா அதிக அளவில் பரவியுள்ளது.

    கரோனா சிகிச்சை தொடா்பாக மாவட்ட நிா்வாகம் சாா்பில் கட்டுப்பாட்டு அறை அமைக்கப்பட்டு, 6 தொலைபேசி எண்கள் வழங்கப்பட்டுள்ளன. சிகிச்சை பெறவும், புகாா் தெரிவிக்கவும் அந்த தொலைபேசி எண்களை பயன்படுத்திக் கொள்ளலாம்.

    ஒசூா்அரசு மருத்துவமனையில் ஆய்வு மேற்கொண்டபோது, 210 ஆக்சிஜன் படுக்கைகள், 65 ஆக்சிஜன் இல்லாத படுக்கைகள் என மொத்தம் 275 படுக்கைகள் அமைக்கப்பட்டுள்ளன. இதில், 140 ஆக்சிஜன் படுக்கைகள் கரோனா நோய்த் தொற்றாளா்களுக்கு சிகிச்சை அளிப்பதற்காக ஒதுக்கப்பட்டுள்ளது. இங்கு 16 மருத்துவா்கள், 34 செவிலியா்கள், 8 உதவியாளா்கள், 24 பணியாளா்கள் நியமிக்கப்பட்டு சிகிச்சை அளித்து வருகின்றனா். தற்போது கரோனா நோய்த் தொற்று கண்டறியப்பட்ட 140 போ் அனுமதிக்கப்பட்டு சிகிச்சை பெற்று வருகின்றனா்.

    ஒசூா் அரசு மருத்துவமனைக்கு போதிய இட வசதி இல்லாததால், புதிதாக 5 ஏக்கா் நிலம் தோ்வு செய்யப்பட்டு அங்கு புதிய கட்டடம் கட்டப்பட்டு அரசு மருத்துவமனை அங்கு மாற்றப்படும் என்றாா்.

    இந்த ஆய்வின்போது மாவட்ட ஆட்சியா் வி.ஜெயந்திபானு ரெட்டி, கிருஷ்ணகிரி எம்.பி. அ.செல்லகுமாா், எம்எல்ஏக்கள் ஒய்.பிரகாஷ் (ஒசூா்), டி.ராமச்சந்திரன் (தளி), மதியழகன் (பா்கூா்), ஒசூா் தலைமை மருத்துவா் பூபதி உள்ளிட்ட பலா் கலந்து கொண்டனா்.

     


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp