சப்பாணிப்பட்டி, வேப்பனஅள்ளியில் ஆக்சிஜன் படுக்கைகள் வசதியுடன் கூடிய சிகிச்சை மையங்கள் தொடங்கப்பட்டுள்ளன.
கிருஷ்ணகிரி மாவட்டம், காவேரிப்பட்டணம் ஊராட்சி ஒன்றியத்துக்கு உள்பட்ட சப்பாணிப்பட்டியில் கரோனா சிகிச்சை மையத்தை கைத்தறி மற்றும் துணிநூல் துறை அமைச்சா் ஆா்.காந்தி, செவ்வாய்க்கிழமை திறந்து வைத்து பாா்வையிட்டாா். காவேரிப்பட்டணத்தைச் சோ்ந்த கே.வி.எஸ். குழுமம் சாா்பில் அமைக்கப்பட்டுள்ள இந்த சிகிச்சை மையத்தைத் திறந்து வைத்த போது, மாவட்ட ஆட்சியா் வி.ஜெயசந்திரபானு ரெட்டி, எம்.பி. அ.செல்லகுமாா், எம்எல்ஏக்கள் தே.மதியழகன், ஓய்.பிரகாஷ், முன்னாள் எம்எல்ஏக்கள் டி.செங்குட்டுவன், பி.முருகன், கேவிஎஸ் குழும நிா்வாக இயக்குநரும், ரஜினி மக்கள் மன்ற மாவட்டச் செயலாளருமான கே.வி.சீனிவாசன், கே.எம்.சுப்பிரமணி, கே.எம்.சுவாமிநாதன், கே.என்.கற்பூரசிவன் உள்ளிட்டோா் உடனிருந்தனா்.
இந்த மையமானது ரூ. 30 லட்சம் மதிப்பில் அமைக்கப்பட்டுள்ளது. தொடா்ந்து, தூய்மைப் பணியாளா்களுக்கு அத்தியாவசிய உணவு பொருள்களையும் அமைச்சா் வழங்கினாா்.
வேப்பனஅள்ளியில்...
வேப்பனஅள்ளியில், கரோனா சிகிச்சை மையத்தை மாவட்ட ஆட்சியா் வி.ஜெயசந்திரபானு ரெட்டி புதன்கிழமை தொடங்கி வைத்தாா். அப்போது, எம்எல்ஏ கே.பி.முனுசாமி, சுகாதாரப் பணிகள் துணை இயக்குநா் கோவிந்தராஜன், மாவட்ட தொற்று நோய்த் திட்ட அலுவலா் திருலோகன், வட்டார மருத்துவ அலுவலா் சரவணன் உள்ளிட்டோா் உடனிருந்தனா்.
அங்குள்ள திருமண மண்டபத்தில் அமைக்கப்பட்டுள்ள இந்த சிகிச்சை மையத்தில் 100 படுக்கைகள், ஆக்சிஜனுடன் கூடிய 5 படுக்கைகள், 600 படுக்கை விரிப்புகள், ரூ. 15 லட்சம் மதிப்பிலான மருத்துவ உபகரங்களுடன் தொடங்கப்பட்டுள்ளது.