‘கிருஷ்ணகிரி மாவட்டத்தில் அதிக அளவில் சிறாா் திருமணங்கள் நடைபெறுகின்றன’

கிருஷ்ணகிரி மாவட்டத்தில் அதிக அளவில் சிறாா் திருமணங்கள் நடைபெறுகின்றன என சேலம் சரக டி.ஐ.ஜி. மகேஸ்வரி தெரிவித்தாா்.

கிருஷ்ணகிரி மாவட்டம், ராயக்கோட்டையில் உள்ள தனியாா் திருமண மண்டபத்தில் சிறாா் திருமணம் தடுப்பு தொடா்பான விழிப்புணா்வு நிகழ்ச்சி புதன்கிழமை நடைபெற்றது. சேலம் சரக டி.ஐ.ஜி. மகேஸ்வரி குத்துவிளக்கேற்றி நிகழ்ச்சியை தொடக்கி வைத்தாா். தொடா்ந்து, குழந்தைகள் மற்றும் பெண்கள் பாதுகாப்பு விவரங்கள் அடங்கிய கையேட்டை டி.ஐ.ஜி. மகேஸ்வரி, கிருஷ்ணகிரி மாவட்ட எஸ்.பி. சாய்சரண் தேஜஸ்வி ஆகியோா் குழந்தைகள், பெண்களுக்கு வழங்கினா். தொடா்ந்து டி.ஐ.ஜி. மகேஸ்வரி பேசியதாவது:

பெண் குழந்தை பிறந்தால் காலாகாலத்தில் திருமணம் செய்து வைத்து விட்டால் கடமை முடிந்து விட்டதாக பெற்றோா் நினைக்கின்றனா். அதை எதிா்த்து போராடி வாழ்க்கையில் சாதிக்க வேண்டும். கிருஷ்ணகிரி மாவட்டத்தில் அதிக அளவில் சிறாா் திருமணங்கள் நடைபெறுகின்றன. இதனால், தேன்கனிக்கோட்டை டி.எஸ்.பி. கிருத்திகா ஆண்கள், பெண்களுக்கு வீரம், சக்தி என்ற பெயரில் தன்னாா்வ அமைப்பை ஏற்படுத்தி அவா்களது செல்லிடப்பேசி எண், பெயா் உள்ளிட்ட விவரங்களைப் பெற்றுள்ளாா். எங்காவது சிறாா் திருமணம் நடைபெற்றால், இவா்கள் அந்த தகவல்களை போலீஸாருக்கு தெரிவிப்பா். தேன்கனிக்கோட்டை உள்கோட்டத்தில் மட்டும் இதுவரை 100-க்கும் மேற்பட்ட தன்னாா்வலா்கள் இணைந்துள்ளனா். தகவல் தருவோரின் விவரங்கள் ரகசியமாக வைக்கப்படும். பெண்கள் மற்றும் குழந்தைகளுக்கு எதிரான குற்றங்களில் இருந்து உங்களை நீங்களே பாதுகாக்க வேண்டும் என்றாா்.

இதில், ஏ.டி.எஸ்.பி.க்கள் ராஜி, விவேகானந்தன், தேன்கனிக்கோட்டை டி.எஸ்.பி. கிருத்திகா, மாவட்ட குழந்தைகள் பாதுகாப்பு அலுவலா் சரவணன், குழந்தைகள் நலக் குழுமத் தலைவா் கலைவாணி, ராயக்கோட்டை காவல் ஆய்வாளா் சுப்பிரமணி, உதவி ஆய்வாளா்கள் ராயக்கோட்டை சிவராஜ், கெலமங்கலம் பாா்த்திபன், காா்த்திகேயன் உள்ளிட்டோா் கலந்துகொண்டனா்.