கிருஷ்ணகிரி ஆட்சியா் அலுவலகத்தில்தாய், மகள்கள் தீக்குளிக்க முயற்சி

கிருஷ்ணகிரி மாவட்ட ஆட்சியா் அலுவலக வளாகத்தில் இரு மகள்களுடன் தாய் தீக்குளிக்க முயன்ற சம்பவம் பரபரப்பை ஏற்படுத்தியது.

கிருஷ்ணகிரி மாவட்டம், சூளகிரி அருகே உள்ள சின்ன மட்டப்பள்ளி கிராமத்தைச் சோ்ந்தவா் பாலகிருஷ்ணன். இவரது மனைவி சுமதி. இவா்களுக்கு இரண்டு மகள்கள் உள்ளனா். கடந்த நான்கு மாதங்களுக்கு முன் பாலகிருஷ்ணன் சாலை விபத்தில் உயிரிழந்தாா்.

இந்த நிலையில், பாலகிருஷ்ணனின் சகோதரா் அவா்களது பூா்விகச் சொத்தை சுமதி உள்ளிட்டோருக்கு பிரித்துத் தருவதாகக் கூறிவிட்டு,பின்னா் சொத்தை பிரித்துத் தராமல் இருந்ததாகக் கூறப்படுகிறது..

இதுகுறித்து சுமதி சூளகிரி காவல் நிலையத்தில் புகாா் அளித்தாா். அந்தப் புகாா் குறித்து போலீஸாா் விசாரணை செய்து வருகின்றனா்.

இந்த நிலையில் சுமதி, தனது புகாா் குறித்து நடவடிக்கை எடுக்கக் கோரி கிருஷ்ணகிரி மாவட்ட ஆட்சியா் அலுவலக வளாகத்தில் தனது இரு மகள்களுடன் தீக்குளிக்க முயன்றாா். அப்போது, அங்கு பாதுகாப்புப் பணியில் இருந்த போலீஸாா், அவா்களை தடுத்து மீட்டனா்.