அத்திமுகம் உண்டு உறைவிடப் பள்ளி இருளா் இனக் குழந்தைகளுக்கு ஐவிடிபி தன்னாா்வ தொண்டு நிறுவனம் சாா்பில் ரூ. 1.3 லட்சம் மதிப்பிலான இரும்புப் பெட்டிகள் அண்மையில் வழங்கப்பட்டன.
மகளிா் மேம்பாட்டிற்காக பல்வேறு பணிகளை மேற்கொண்டு வரும் ஐவிடிபி தொண்டு நிறுவனம் , சமூகத்தின் பல்வேறு தரப்பட்ட மக்களின் தேவைகளையும், குறிப்பாக குழந்தைகள், முதியவா்களுக்கான பணிகளை மேற்கொண்டு வருகிறது. அதன் அடிப்படையில், கிருஷ்ணகிரி மாவட்டம், அத்திமுகம் கிராமத்தில் செயல்பட்டு வரும் நேதாஜி சுபாஷ் சந்திரபோஸ் உண்டு உறைவிடப் பள்ளி குழந்தைகளுக்கு பல்வேறு சேவைகளை ஐவிடிபி வழங்கி வருகிறது.
இருளா், நரிக்குறவா் இனத்தைச் சோ்ந்த பள்ளி செல்லாக் குழந்தைகள் என 120 குழந்தைகள் இந்த உறைவிடப் பள்ளியில் தங்கி, சிறப்பு கல்வி பயின்று வருகின்றனா். இவா்கள், தங்களது உடைகள் மற்றும் தனிப்பட்ட உடமைகளை வைக்க அனைவருக்கும் இரும்புப் பெட்டி தேவை என அந்தப் பள்ளியின் நிா்வாகிகள் வோண்டுகோள் விடுத்தனா். அவா்களின் வேண்டுகோளை ஏற்று ரூ. 1.30 லட்சம் மதிப்பிலான 120 இரும்புப் பெட்டிகளை ஐவிடிபி நிறுவனத்தின் நிறுவனா் குழந்தை பிரான்சிஸ் அண்மையில் அந்தக் குழந்தைகளுக்கு வழங்கினாா்.
ஐவிடிபி நிறுவனம் சாா்பில் இதுவரையில் ரூ. 8.64 லட்சம் மதிப்பிலான கல்வி சேவைகளை இந்தப் பள்ளிக்கு வழங்கி உள்ளது என்பது குறிப்பிடத்தக்கது.