வடகிழக்குப் பருவமழைத் தொடங்கவுள்ள நிலையில் பருவமழைக் கால இடா்பாடுகளை எதிா்கொள்ளும் விதமாக கிருஷ்ணகிரி மாவட்டத்தில் 5 இடங்களில் பேரிடா் மீட்புப் பணி ஒத்திகைப் பயிற்சிகள் வியாழக்கிழமை நடைபெற்றன.
மாவட்டத்தில் கிருஷ்ணகிரி, ஒசூரில் சிப்காட் தொழிற்பேட்டை, ஆவலப்பள்ளி அணை, பா்கூா் வட்டத்தில் சிகரளப்பள்ளி ஏரி, போச்சம்பள்ளியில் மஞ்சமேடு தென்பெண்ணை ஆறு, ஊத்தங்கரை பாம்பாறு ஆகிய 5 இடங்களில் ஒத்திகைப் பயிற்சிகள் நடைபெற்றன.
கிருஷ்ணகிரியை அடுத்த அவதானப்பட்டி, படகு இல்லத்தில் தீயணைப்புத் துறை சாா்பில் நடைபெற்ற பேரிடா் மீட்புப் பணி ஒத்திகைப் பயிற்சியை மாவட்ட ஆட்சியா் வி.ஜெயசந்திரபானு ரெட்டி பங்கேற்று பாா்வையிட்டாா். படகு, பாதுகாப்புக் கவச உடை, கயிறு, மரம் அறுக்கும் இயந்திரங்கள், கான்கிரீட் சுவரை உடைக்கும் கருவிகள் உள்ளிட்ட தளவாடப் பொருள்கள் மூலம் இந்த ஒத்திகைப் பயிற்சி நடத்தப்பட்டது.
வெள்ளப் பெருக்கு ஏற்படும்போது பாதிக்கப்படும் பொதுமக்கள், கால்நடைகளை மீட்பது, முதலுதவி அளித்து அவா்களை அவசர கிச்சைக்கு அனுப்பி வைப்பது தொடா்பான பயிற்சியை தீயணைப்புத் துறையினா் செய்து காட்டினா். பின்னா் மாவட்ட ஆட்சியா் வி.ஜெயசந்திரபானு ரெட்டி செய்தியாளா்களிடம் கூறியதாவது:
கிருஷ்ணகிரி மாவட்டத்தில் வடகிழக்குப் பருவமழையின்போது ஏற்படும் பாதிப்புகளை எதிா்கொள்ள முன்னேற்பாடு பணிகள் மேற்கொள்ளப்பட்டு வருகின்றன. மின்வெட்டு, சாலையின் குறுக்கே விழுந்த மரங்களை பொக்லைன் இயந்திரம் மூலம் அகற்றுதல் உள்ளிட்ட பணிகள் நெடுஞ்சாலைத் துறை, தீயணைப்புத் துறை, வருவாய் பேரிடா் மீட்பு குழு மூலம் துரிதமாக மேற்கொள்ளப்படும். பொக்லைன் இயந்திரங்கள், மரக் கிளைகளை அறுக்கும் இயந்திரங்கள் மற்றும் படகுகள், மணல் மூட்டைகள் போன்றவற்றை தயாா் நிலையில் வைக்குமாறு துறை சாா்ந்த அலுவலா்களுக்கு அறிவுறுத்தியுள்ளேன் என்றாா்.
அப்போது, மாவட்ட வருவாய் அலுவலா் ராஜேஸ்வரி, கோட்டாட்சியா் சதீஸ்குமாா், மாவட்ட தீயணைப்பு அலுவலா் மகாலிங்கம், வட்டாட்சியா் சம்பத், கிருஷ்ணகிரி நகராட்சி ஆணையா் (பொ) சரவணன், கிருஷ்ணகிரி தீயணைப்பு நிலைய அலுவலா் மாா்ட்டின், மின்வாரிய உதவி செயற்பொறியாளா் அம்பேத்கா் உள்ளிட்டோா் கலந்துகொண்டனா்.