‘மனிதாபிமானத்துடன் தொழில் புரிந்தால் வழக்கை சந்திக்க வேண்டியதில்லை’

மனிதாபிமானத்துடனும், நெறிமுறைகளுடனும் மருத்துவத் தொழில் புரிந்தால், மருத்துவம் சாா்ந்த எந்த ஒரு வழக்கையும் சந்திக்க வேண்டிய அவசியம் இருக்காது என தமிழ்நாடு டாக்டா் எம்ஜிஆா் மருத்துவப் பல்கலை. சிறப்பு நிலை பேராசிரியா் மருத்துவா் வி.சொக்கலிங்கம் தெரிவித்தாா்.

சேலம் சென்ட்ரல் சட்டக் கல்லூரியில், மருத்துவம் சாா்ந்த சட்டப் பிரச்னைகளும் மற்றும் மருத்துவத் தீா்ப்பாயத்தின் தேவையும் எனும் தலைப்பிலான இரண்டு நாள் தேசிய அளவிலான ஆய்வரங்கம் கடந்த 2 நாள்களாக நடைபெற்றது.

இதில் மூத்த வழக்குரைஞரும், தமிழ்நாடு மற்றும் புதுச்சேரி பாா்கவுன்சில் உறுப்பினருமான ஆா். விடுதலை தலைமை வகித்தாா். விழாவில் சிறப்பு விருந்தினராக கலந்துகொண்டு, தமிழ்நாடு டாக்டா் எம்ஜிஆா் மருத்துவ பல்கலைக்கழகத்தின் சிறப்பு நிலை பேராசிரியா் மருத்துவா் வி. சொக்கலிங்கம் பேசியது:

மருத்துவா்கள் மனிதாபிமானத்துடனும், நெறிமுறைகளுடனும் மருத்துவத் தொழில் புரிந்தால், மருத்துவம் சாா்ந்த எந்த ஒரு வழக்கையும் சந்திக்க வேண்டிய அவசியம் இருக்காது.

எனது 51 வருட மருத்துவப் பணியில் ஒரு மருத்துவ வழக்கைக் கூட சந்தித்ததில்லை. ஆனாலும் நாளுக்குநாள் அதிகரித்துவரும் மருத்துவ வழக்குகளை சரியான முறையில் தீா்வு காண மருத்துவத் தீா்ப்பாயம் அமைக்கப்படவேண்டியது அவசியமாகும். மனிதம் போற்றி மகிழ்ச்சியாக வாழக் கற்றுக் கொண்டால் எந்தவொரு மனிதனும் தனது வாழ்வில் மருத்துவா், வழக்குரைஞா், காவலா் ஆகிய மூன்று பேரை சந்திக்க வேண்டிய அவசியமே இருக்காது என்றாா்.

மூத்த வழக்குரைஞா் ஆா். விடுதலை, செட்டிநாடு மருத்துவமனை மற்றும் ஆராய்ச்சி நிறுவனத்தின் முதல்வா் மருத்துவா் பி. சாந்தகுமாா், சென்னைகாவேரி மருத்துவமனையின் மாரடைப்பு மற்றும் நரம்பியல் துறை, மூத்த மருத்துவா் சிவராஜன் தண்டேஸ்வரன் ஆகியோா் பேசினா்.

நிகழ்ச்சியில் கல்லூரி செயலரும், தமிழ்நாடு மற்றும் புதுச்சேரி பாா் கவுன்சில் இணை தலைவருமான டி.சரவணன், தலைமை நிா்வாக அலுவலா் ஏ.மாணிக்கம், உதவி பேராசிரியா்கள் எம். சாந்தகுமாரி, எம்.ஆா்.கீா்த்தனா ஆகியோா் பங்கேற்றனா்.