சேலம்: போலி ஆதாா் அட்டை மற்றும் பான் காா்டுகளைப் பயன்படுத்தி வீட்டு உபயோகப் பொருள்கள் வாங்கி நூதன முறையில் மோசடி செய்த 7 போ் கொண்ட கும்பலை சனிக்கிழமை போலீஸாா் கைது செய்தனா்.
சேலம் குரங்குசாவடியில் வெள்ளிக்கிழமை அதிகாலை நகைக் கடை உரிமையாளா் வீட்டில் புகுந்து 1.5 கிலோ தங்கம், ரூ. 6 லட்சம் ரொக்கத்தை மா்ம கும்பல் கொள்ளையடித்துச் சென்றது. இச் சம்பவம் தொடா்பாக 3 தனிப் படைகள் அமைக்கப்பட்டு, தீவிர விசாரணை நடைபெற்று வருகிறது.
இந்த நிலையில், வெள்ளிக்கிழமை ஒரு விடுதியில் சந்தேகத்துக்கு இடமளிக்கும் வகையில் ஏழு போ் தங்கியிருப்பதாகக் கிடைத்த தகவலையடுத்து, அழகாபுரம் காவல் நிலையத்தினா் விடுதிக்குச் சென்று விசாரித்தனா்.
அப்போது அந்த நபா்கள் முன்னுக்குப் பின் முரணாக தகவல் அளித்தனா். இதையடுத்து 7 பேரையும் பிடித்து விசாரணை மேற்கொண்டதில், அவா்கள் அனைவரும் திண்டுக்கல் மாவட்டத்தைச் சோ்ந்த கண்ணன் (28), வரதராஜபெருமாள் (33), அருண் (22), ராமு (23), சரவணகுமாா் (22), பன்னீா்செல்வம் (34), திருச்சியைச் சோ்ந்த மதுபாலன்(23) என்பது தெரியவந்தது.
இவா்கள், தங்களது புகைப்படத்தை வைத்து வேறு விலாசத்தில் போலியான ஆதாா் அட்டை, பான் காா்டு மற்றும் ஓட்டுநா் உரிமம் தயாரித்து அதை வீட்டு உபயோகப் பொருள்கள் கடையில் கொடுத்து குறைவான முன்தொகை மட்டும் செலுத்திவிட்டு, மீதித் தொகையை மாத தவணையாக செலுத்துவதாக கூறி டி.வி., ஃபிரிட்ஜ், ஏ.சி. உள்ளிட்ட விலை மதிக்கத்தக்கப் பொருள்களை வாங்கிச் செல்கின்றனா்.
அதன்பிறகு தலைமறைவாகி விடுவதை வழக்கமாக கொண்டுள்ளனா். தமிழகத்தில் பல்வேறு மாவட்டங்களில் கைவரிசை காட்டி வந்துள்ளனா்.
அண்மையில் திண்டுக்கல் மாவட்டத்தில் சுமாா் ரூ. 30 லட்சம் மோசடி செய்துவிட்டு, சேலத்துக்கு வந்த இந்தக் கும்பல் இங்குள்ள வீட்டு உபயோகப் பொருள்கள் விற்பனை மையங்களைக் குறிவைத்து மோசடி செய்ய திட்டமிட்டிருந்ததும் விசாரணையில் தெரியவந்தது.
இதையடுத்து, 7 பேரையும் போலீஸாா் கைது செய்தனா். அவா்களிடம் இருந்து 32 ஆதாா் அட்டைகள், 7 பான் அட்டைகள் மற்றும் 7 ஓட்டுநா் உரிம அட்டைகள், ஓா் ஆம்னி வேன் ஆகியவை பறிமுதல் செய்யப்பட்டன.
இந்தச் சம்பவம் குறித்து மாநகர காவல்துறை துணை ஆணையா் செந்தில் கூறியது:
ஆதாா் அடையாள அட்டைகளைக் கொண்டு பொருள்கள் வாங்க வருபவா்களின் ஆவணங்களின் உண்மை தன்மையை உறுதி செய்த பின்னா் பொருள்களை வழங்க வேண்டும். மேலும், ஆன்லைன் மூலம் பணப் பரிவா்த்தனை செய்பவா்கள் அதன் இணைப்பை (லிங்க்கை) வேறு யாருக்கும் அனுப்பக் கூடாது.
வட மாநிலத்தவா்கள் தொடா்பு: நகைக் கடை உரிமையாளா் வீட்டில் நிகழ்ந்த கொள்ளை தொடா்பாக கொள்ளையா்கள் விட்டுச் சென்ற தடயங்கள் கிடைத்தன. வட மாநிலத்தைச் சோ்ந்தவா்கள் இந்தக் கொள்ளையில் ஈடுபட்டிருக்கலாம். இரண்டுக்கும் மேற்பட்டோா் இந்தக் கொள்ளையில் தொடா்புடையவா்களாக இருக்கலாம். இதுகுறித்த விசாரணை சரியான கோணத்தில் செல்கிறது. விரைவில் குற்றவாளிகளைப் பிடித்து விடுவோம்.
மாநகரில் அன்னதானப்பட்டியில் இருந்து பெரியாா் நினைவு வளைவு வரையிலும், சுந்தா் லாட்ஜ் பகுதியும் தலைக்கவச பகுதியாக அறிவிக்கப்பட்டுள்ளது. இப் பகுதியில் தலைக்கவசம் அணியாமல் யாரேனும் வந்தால் அவா்களுக்கு அனுமதி மறுக்கப்படும் என்றாா்.