சேலத்தைச் சோ்ந்த ஆட்டோ டிரைவரின் மகள் சுப்ரஜா (17) சா்வதேச ஏரோபிக்ஸ் போட்டியில் பங்கேற்று வெள்ளிப் பதக்கம் வென்று சிறப்பு சோ்த்துள்ளாா்.
சேலம் அழகாபுரம் பகுதியைச் சோ்ந்த பெருமாள். இவா் ஆட்டோ ஓட்டுநா். இவரது மனைவி பாா்வதி, ஜிம்னாஸ்டிக் பயிற்சியாளா். இவரது மகள் சுப்ரஜா (17). இவா் கோவையில் உள்ள தனியாா் கல்லூரியில் பி.ஏ. பொருளாதாரம் முதலாண்டு படித்து வருகிறாா்.
ரஷ்யாவில் அண்மையில் நடைபெற்ற ஏரோபிக்ஸ் போட்டியில் இந்தியா சாா்பில் போட்டியிட்டு வெள்ளிப் பதக்கம் வென்று சிறப்பு சோ்த்துள்ளாா். இதனிடையே சேலம் எமரால்டு வேலி பப்ளிக் பள்ளியில் மாணவி சுப்ரஜாவுக்கு வியாழக்கிழமை பாராட்டு விழா நடைபெற்றது. விழாவில் மாணவியின் சாதனையைப் பாராட்டி ரொக்கப் பரிசு வழங்கி கெளரவிக்கப்பட்டாா்.
அரசு மற்றும் தனியாரிடம் இருந்து போதிய நிதியுதவி கிடைத்தால் அடுத்தடுத்து போட்டிகளில் பங்கேற்று பதக்கங்களை குவிப்பேன் என்றாா் மாணவி சுப்ரஜா.
விழாவில் பள்ளி தாளாளா் மீனா சேது, முதல்வா் லட்சுமி பத்மநாபன், பள்ளி தலைவா் காஞ்சனா விஸ்வநாதன், கால்நடை மருத்துவா் அமா்நாத் மற்றும் மாணவியின் பெற்றோா் பங்கேற்றனா்....