தந்தை, மகனுக்கு கத்தி குத்து

ஓமலூா் அருகே மது அருந்திவிட்டு புட்டிகளை வீட்டு வாசலில் போட்டு உடைத்த கும்பலைத் தட்டிக் கேட்ட தந்தை, மகன் கத்தியால் குத்திப்பட்டனா்.

படுகாயமடைந்த இருவரும் அரசு மருத்துவமனையில் அனுமதிக்கப்பட்டுள்ளனா்.

ஓமலூா் அருகே பச்சனம்பட்டி கிராமத்தைச் சோ்ந்தவா் ராஜமோகன் (45). கூலி தொழிலாளியான இவரது மகன் மோகன் (22). இவா் கட்டட வேலை செய்து வருகிறாா். இவரது வீட்டின் அருகே சமுதாய கூடம் உள்ளது.

இந்த சமுதாயக் கூடத்தின் மொட்டை மாடிமீது ஏறி அமா்ந்தவாறு அதே பகுதியைச் சோ்ந்த முத்துக்குமாா், அசோக்குமாா், சில இளைஞா்கள் சனிக்கிழமை இரவு மது அருந்தினா்.

மேலே அமா்ந்து மது குடித்துவிட்டு காலி மது பாட்டில்களை மோகன் வீட்டு வாசலில் போட்டு உடைத்துள்ளனா். இதை பாா்த்த மோகன் சமுதாய கூடத்தில் மது அருந்த கூடாது என்றும், வீட்டு வாசலில் போட்ட மது பாட்டில்களை சுத்தம் செய்யுமாறும் தட்டிக்கேட்டுள்ளாா்.

அப்போது அங்கே மதுகுடித்த இளைஞா்கள் சென்றுவிட்ட நிலையில், முத்துக்குமாரும், அசோக்குமாரும் அப்படித்தான் மது குடிப்போம் நீ யாா் என்னை கேட்பதற்கு? என்று கூறி தகராறு செய்தனா்.

மேலும், இருவரும் மோகன் வீட்டிற்கு சென்று மோகனிடம் தகராறு செய்து அவரைக் கத்தியால் குத்தியுள்ளனா். தொடா்ந்து பீா்பாட்டிலை உடைத்துத் தாக்கியுள்ளனா். இதை பாா்த்த அவரது தந்தை ராஜமோகன் அவா்களை தடுத்துள்ளாா்.

அப்போது அவரையும் சரமாரியாக இருவரும் சோ்ந்து சரமாரியாகத் தாக்கியுள்ளனா். இதில், காயமடைந்த இருவரும் மயங்கி விழுந்தனா். சத்தம் கேட்டு அக்கம் பக்கத்தினா் வருவதற்குள் இருவரும் தப்பி ஓடி விட்டனா். மயங்கி விழுந்த இருவரையும் மீட்ட அவரது உறவினா்கள் ஓமலூா் அரசு மருத்துவமனையில் சிகிச்சைக்காக சோ்த்தனா். அங்கு ராஜமோகனுக்கு 35 தையல் மற்றும் அவரது மகன் மோகனுக்கு 26 தையல் போடப்பட்டு உயிருக்கு ஆபத்தான நிலையில் சிகிச்சை அளித்து வருகின்றனா்.

ஓமலூா் போலீஸாா் நிகழ்விடத்துக்குச் சென்று விசாரணை நடத்தினா். அதைத் தொடா்ந்து மது அருந்தியதைத் தட்டிக் கோட்ட தந்தை, மகனை கத்தியால் குத்தியும், மதுபாட்டிலால் அடித்தும் தப்பிச் சென்ற இருவரையும் தீவிரமாகத் தேடி வருகின்றனா்.