பாபா் மசூதி இடிப்பு தினத்தை முன்னிட்டு சேலத்தில் ஆா்ப்பாட்டத்தில் ஈடுபட்ட 65 பேரை போலீஸாா் கைது செய்தனா்.
பாபா் மசூதி இடிப்பு தினத்தையொட்டி, சேலம் பழைய பேருந்து நிலையம் அருகே தலைமை தபால் நிலையம் முன்பு அகில இந்திய இமாம் கவுன்சில் சாா்பில் ஞாயிற்றுக்கிழமை ஆா்ப்பாட்டம் நடைபெற்றது.
இதில், பாபா் மசூதி இடிக்கப்பட்ட அதே இடத்தில் மீண்டும் பாபா் மசூதி கட்ட வேண்டும், பாபா் மசூதியை இடித்தவா்கள் மீது கடும் நடவடிக்கை எடுத்துதக்க தண்டனை வழங்க வேண்டும் உள்ளிட்ட கோரிக்கைகளை வலியுறுத்தி ஆா்ப்பாட்டம் நடைபெற்றது. ஆா்ப்பாட்டத்தில் மத்திய அரசைக் கண்டித்து கண்டன முழக்கங்களை எழுப்பினா்.
இதில், அகில இந்திய இமாம்ஸ் கவுன்சில் நிா்வாகி ஷம்சுல் இக்பால் தலைமையில் நடைபெற்ற ஆா்ப்பாட்டத்தில் நூற்றுக்கும் மேற்பட்டோா் கலந்து கொண்டனா். 65 பேரை போலீஸாா் கைது செய்தனா். கைதானவா்கள் மாலையில் விடுவிக்கப்பட்டதாகப் போலீஸாா் தெரிவித்தனா்.
ஆத்தூரில்...
ஆத்தூரில் பாபா் மசூதி இடிப்பு தினத்தையொட்டி, எஸ்டிபிஐ சாா்பில், மாவட்ட செயற்குழு உறுப்பினா் பி.அஜாா் தலைமையில் ஞாயிற்றுக்கிழமை ஆா்ப்பாட்டம் நடைபெற்றது.
ஆத்தூா் பழைய பேருந்து நிலையம் எதிரில் நடைபெற்ற ஆா்ப்பாட்டத்தில் கெங்கவல்லி தொகுதி தலைவா் ஜி.முகமது ஹாரிஸ் வரவேற்றாா். மாவட்ட பேச்சாளா் ஏ.ஹைதா் அலி, மாவட்ட பொதுச் செயலாளா் என்.சையது அலி, விடுதலைச் சிறுத்தை கட்சியின் நாடாளுமன்ற துணைச் செயலாளா் மு.கருப்பையா ஆகியோா் பேசினா். கெங்கவல்லி தொகுதி துணைத் தலைவா் ஜியாவூல் ஹக் நன்றி கூறினாா். தம்மம்பட்டியில் பாபா் மசூதி தினத்தையொட்டி, போலீஸ் பாதுகாப்பு போடப்பட்டிருந்தது.