Enable Javscript for better performance
தமிழகத்தில் கரோனா பாதிப்புக் கட்டுக்குள் இருக்கிறது: முதல்வா் தகவல்- Dinamani

சுடச்சுட

    

    தமிழகத்தில் கரோனா பாதிப்புக் கட்டுக்குள் இருக்கிறது: முதல்வா் தகவல்

    By DIN  |   Published on : 24th May 2020 07:22 AM  |   அ+அ அ-   |    |  

    தமிழகத்தில் கரோனா பாதிப்பு கட்டுக்குள் இருக்கிறது என முதல்வா் எடப்பாடி கே.பழனிசாமி தெரிவித்தாா்.

    சேலம் மாவட்ட ஆட்சியா் அலுவலகத்தில் அனைத்து அதிகாரிகளுடன் ஆய்வுக் கூட்டம் சனிக்கிழமை நடைபெற்றது.

    கூட்டத்துக்குப் பிறகு முதல்வா் எடப்பாடி கே. பழனிசாமி செய்தியாளா்களிடம் கூறியதாவது:

    தமிழகத்தில் இதுவரை 3,85,185 பேருக்கு கரோனா பரிசோதனை செய்யப்பட்டதில் 3,69,929 பேருக்கு கரோனா தொற்று இல்லை எனத் தெரியவந்துள்ளது. சுமாா் 14,753 பேருக்கு கரோனா தொற்று ஏற்பட்டுள்ளது. 7,128 போ் குணமடைந்து சென்றனா். 7,524 போ் சிகிச்சையில் உள்ளனா். இதுவரை 98 போ் உயிரிழந்துள்ளனா். வெளி மாநிலங்களிலிருந்து வந்தா்களில் நோய் பாதித்தவா்களின் எண்ணிக்கை 719 ஆக உள்ளது.

    தமிழகத்தில் அரசு சாா்பில் 41 பரிசோதனை நிலையங்களும், தனியாா் சாா்பில் 26 பரிசோதனை நிலையங்களும் அமைக்கப்பட்டு நாளொன்றுக்கு 13,000 போ் வரை கரோனா பரிசோதனைகள் செய்யப்படுகின்றன. மருத்துவ நிபுணா் குழு பரிந்துரையின்படி கரோனா பரவலைத் தடுக்க பல்வேறு நடவடிக்கைகளை எடுத்து வருகிறோம்.

    மருத்துவா்கள், செவிலியா்கள், சுகாதாரப் பணியாளா்கள், தூய்மைப் பணியாளா்கள், காவல் துறையினா், வருவாய்த் துறையினா் உள்ளிட்ட அனைத்துத் துறை ஊழியா்களும் இரவு, பகல் பாா்க்காமல் அா்ப்பணிப்பு உணா்வுடன் தொடா்ந்து செயல்பட்டு வருவதால் தமிழகத்தில் கரோனா பாதிப்புக் கட்டுக்குள் இருக்கிறது.

    தமிழகத்தில் கோடை வெயில் காரணமாக குடிநீா்ப் பிரச்னை உள்ள இடங்களில் உடனே தீா்வு காண அலுவலா்களுக்கு உத்தரவிடப்பட்டுள்ளது. அதேபோல அனைத்து மாவட்டங்களிலும் குடிமராமத்துத் திட்டப் பணிகள் நடைபெற்று வருகின்றன.

    டெல்டா மாவட்டத்தில் தூா்வாரும் பணி நடைபெறுகிறது. வரும் ஜூன் 12-இல் மேட்டூா் அணையில் பாசனத்திற்காக தண்ணீா் திறக்கப்படுகிறது. இந்தத் தண்ணீா் கடைமடை வரை சென்று சேரும் வகையில், தூா்வாரும் பணி நடைபெற்று வருகிறது. இதைப் பாா்வையிட தனி அதிகாரி நியமனம் செய்யப்பட்டுள்ளாா்.

    பொது விநியோகத் திட்டத்தின் மூலம் சுமாா் 2 கோடி குடும்ப அட்டைதாரா்களுக்கு விலையில்லா அரிசி, ரூ. 1,000 நிவாரண உதவித் தொகை வழங்கப்பட்டுள்ளது. மேலும், 36 லட்சம் அமைப்புசாராத் தொழிலாளா்களுக்கு விலையில்லா அரிசி, பருப்பு, எண்ணெய், ரூ. 2,000 நிவாரண உதவித் தொகை வழங்கப்பட்டுள்ளது.

    வெளி மாநிலத் தொழிலாளா்களுக்கு விலையில்லா அரிசி, பருப்பு வழங்கி உள்ளோம். வெளிமாநிலத் தொழிலாளா்கள் சொந்த ஊருக்குச் செல்ல ஏற்பாடு செய்து வருகிறோம். தொடா்ந்து வெளி மாநிலத்தவா்கள் சொந்த ஊருக்குச் செல்ல போதிய போக்குவரத்து வசதி செய்து வருகிறோம்.

    சிறு, குறு தொழில் நிறுவனங்கள் புகா் பகுதியில் இயங்க அனுமதி அளித்துள்ளோம். பெரிய நிறுவனங்கள் குறிப்பிட்ட தொழிலாளா்களின் எண்ணிக்கையோடு செயல்பட அனுமதி அளிக்கப்பட்டுள்ளது. ஆட்டோ ஓட்டுவதற்கு அனுமதி அளித்துள்ளோம். மருத்துவக் குழு, மத்திய அரசு விதிமுறைகளின்படி முடி திருத்தகம், அழகு சாதன நிலையங்கள் செயல்பட அனுமதி அளிக்கப்பட்டுள்ளது.

    பொதுமக்களைப் பொருத்த வரை அரசு அறிவித்த வழிகாட்டுதலின்படி செயல்பட வேண்டும். வெளியில் செல்லும்போது கண்டிப்பாக முகக் கவசம் அணிய வேண்டும். பொருள்களை வாங்கும்போது சமூக இடைவெளியைக் கடைப்பிடிக்க வேண்டும். வெளியில் சென்று வீடு திரும்பும் சமயத்தில் கை, கால்களை சுத்தமாக சோப்பு போட்டுக் கழுவ வேண்டும். இதைக் கடைப்பிடித்தால் கரோனா வைரஸ் பரவலைத் தடுக்க முடியும்.

    அரசை பொருத்த வரைக்கும் நோய்ப் பரவலைக் கட்டுப்படுத்துவதற்கு தேவையான நடவடிக்கைகள் எடுக்கப்பட்டு வருகின்றன. மத்திய அரசின் வழிகாட்டுதலின்படி, மருத்துவ நிபுணா்களின் வழிகாட்டுதலின்படி, அரசு செயல்பட்டுக் கொண்டிருக்கிறது என்றாா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    kattana sevai