சேலத்தில் இரு வீடுகளில் 21 பவுன் நகை திருட்டு போனது குறித்து போலீஸாா் விசாரித்து வருகின்றனா்.
சேலம், அரியானூா் பகுதியைச் சோ்ந்தவா் சரவணகுமாா் (35). இவா் கால்நடை பண்ணை நடத்தி வருகிறாா். மேலும், உத்தமசோழபுரத்தில் வீடு வாடகைக்கு எடுத்து தங்கியுள்ளாா்.
தீபாவளி பண்டிகையை முன்னிட்டு உத்தமசோழபுரத்தில் சரவணகுமாா் தங்கியுள்ள வீட்டுக்கு அவரது தந்தை ராஜராஜன், தாய் வசந்தா ஆகியோா் சென்றிருந்தனா்.பண்டிகையை முடித்துவிட்டு திங்கள்கிழமை அரியானூரில் உள்ள வீட்டுக்குத் திரும்பி வந்தனா்.
அப்போது வீட்டின் பூட்டு உடைக்கப்பட்டு, பீரோவில் வைத்திருந்த 19 பவுன் நகை திருட்டு போனது தெரியவந்தது. இதுதொடா்பாக, கொண்டலாம்பட்டி போலீஸாா் வழக்குப்பதிவு செய்து விசாரித்து வருகின்றனா்.
சூரமங்கலத்தில்...:
சேலம் சூரமங்கலம் தில்லை நகா் பகுதியைச் சோ்ந்தவா் சண்முகம். இவா் மதுரை அவனியாபுரம் பகுதியைச் சோ்ந்தவா். தீபாவளி பண்டிகையை முன்னிட்டு மதுரைக்கு சென்றிருந்த சண்முகம் திங்கள்கிழமை வீட்டுக்குத் திரும்பினாா்.அப்போது வீட்டுக் கதவு உடைக்கப்பட்டு, பீரோவில் வைக்கப்பட்டிருந்த 2 பவுன் நகை திருடப்பட்டது தெரியவந்தது.
இதுதொடா்பாக சூரமங்கலம் போலீஸாா் விசாரிக்கின்றனா்.