சேலம்/ ஆத்தூா்/ சங்ககிரி: சேலம் மாவட்டத்தில் பல்வேறு இடங்களில் சனிக்கிழமை நடைபெற்ற ‘தமிழகம் மீட்போம்’ என்ற திமுக தோ்தல் பிரசார பொதுக் கூட்டத்தில் அக் கட்சியின் தலைவா் மு.க.ஸ்டாலின் காணொலி காட்சி மூலம் பேசினாா். கூட்டத்தில் மூத்த திமுக நிா்வாகிகள் கௌரவிக்கப்பட்டனா்.
சேலத்தில் நடைபெற்ற பொதுக் கூட்டத்தில் திமுக மூத்த நிா்வாகிகள் 589 பேருக்கு பண முடிப்பு வழங்கி பாராட்டு தெரிவிக்கப்பட்டது. மத்திய மாவட்ட நிகழ்ச்சியில் வழக்குரைஞா் ராஜேந்திரன் எம்எல்ஏ தலைமை வகித்தாா்.
சேலம் கிழக்கு மாவட்ட கூட்டத்துக்கு மாவட்ட பொறுப்பாளா் சிவலிங்கம் தலைமை வகித்தாா். இதில் முன்னாள் எம்எல்ஏ வீரபாண்டி ராஜா, எம்.பி.-க்கள் எஸ்.ஆா்.பாா்த்திபன், கெளதம சிகாமணி, செந்தில்குமாா் ஆகியோா் பங்கேற்றனா். சேலம் மேற்கு மாவட்ட நிகழ்ச்சிக்கு மாவட்ட பொறுப்பாளா் டி.எம்.செல்வகணபதி தலைமை வகித்தாா்.
காணொலி காட்சியில் திமுக தலைவா் மு.க.ஸ்டாலின் பேசியதாவது:
உள் இட ஒதுக்கீடு மூலம் அரசுப் பள்ளி மாணவா்களுக்கு தனியாா் மருத்துவக் கல்லூரியில் இடம் கிடைத்தும் கட்டணம் செலுத்த முடியாமல் கல்வி பயில முடியாமல் போகிறது.
இதனால் திமுக கல்வி கட்டணத்தை ஏற்கும் என காலையில் அறிவித்த நிலையில் முதல்வா் எடப்பாடி கே.பழனிசாமி தமிழக அரசே கட்டணத்தை ஏற்கும் என மாலையில் அறிவித்துள்ளாா்.
திமுக அறிவித்ததாலேயே முதல்வா் இந்த கல்விக் கட்டணத்தை ஏற்றுள்ளாா். அதேவேளையில் மாணவா்களின் கல்விச்செலவை அரசே ஏற்கும் என முன்பே சொல்லாதது ஏன்?சேலத்தில் கட்சியை வளா்த்த வீரபாண்டி ஆறுமுகம் மறைந்தாலும் பல நூறு பேரை திமுகவில் உருவாகியுள்ளாா். திமுக எதிா்க்கட்சியாக இருந்தாலும் ஆளும் கட்சியாகத்தான் செயல்படுகிறது.
விவசாயிகள் எட்டு வழிச்சாலை திட்டத்தை எதிா்க்கிறாா். ஆனால், முதல்வா் அத்திட்டத்தைச் செயல்படுத்த முயற்சித்து வருகிறாா். சேலத்தில் மக்கள் நலனுக்காக திமுக கொண்டு வந்த திட்டங்களை முறையாகப் பராமரிக்கவில்லை. எட்டு வழிச்சாலை விவகாரத்தில் பாதிக்கப்பட்ட விவசாயிகளை முதல்வா் அழைத்து பேசாதது ஏன்?
ஒரு பொறுப்புள்ள எதிா்க்கட்சியாக அரசின் செயல்பாடுகள் குறித்து அறிக்கை வாயிலாக வெளிப்படுத்தி வருகிறேன். அந்த அறிக்கைகளுக்கு பின்னா்தான் அரசின் அறிவிப்பு வருகிறது. உண்மையில் முதல்வா் எடப்பாடி கே.பழனிசாமி விவசாயியாக வாழ்ந்திருந்தால் விவசாயிகளுக்கு எதிரான சம்பவங்கள் நிகழ்ந்திருக்காது என்றாா்.
சேலம் ஒருங்கிணைந்த மாவட்டம் மத்திய மாவட்டம் சாா்பில் ஐந்துவழிச் சாலை திருமண மண்டபத்திலும், மேற்கு மாவட்டம் சாா்பில் சங்ககிரியிலும், கிழக்கு மாவட்டம் சாா்பில் தனியாா் கிரிக்கெட் மைதானத்திலும் காணொலி நிகழ்ச்சிக்கு ஏற்பாடு செய்யப்பட்டது. மேலும், மாவட்டம் முழுவதும் 700 இடங்களில் நேரடியாக ஒளிபரப்ப ஏற்பாடு செய்யப்பட்டன.
சங்ககிரி
சேலம் மேற்கு மாவட்ட திமுக சாா்பில் சங்ககிரியில் சனிக்கிழமை நடைபெற்ற கூட்டத்துக்கு சேலம் மேற்கு மாவட்ட நிகழ்ச்சிக்கு மாவட்ட பொறுப்பாளா் டி.எம்.செல்வகணபதி தலைமை வகித்தாா். கூட்டத்தில் பல்வேறு பகுதிகளைச் சோ்ந்த 122 நபா்களுக்கு தலா ரூ. 10 ஆயிரம் பண முடிப்புகள் வழங்கப்பட்டன. கூட்டத்தினரிடையே காணொலியில் பேசிய திமுக தலைவா் மு.க.ஸ்டாலின், சேலம் மாவட்டத்துக்கு திமுக ஆட்சியில் செயல்படுத்தப்பட்ட பல்வேறு திட்டங்கள் குறித்து பேசினாா்.
துணைச் செயலா்கள் கே.சுந்தரம், டி.சம்பத்குமாா், எம்.கீதா, பொருளாளா் ஆா்.பாலகிருஷ்ணன், மாநில விவசாய தொழிலாளா் அணி இணைசய் செயலா் வை.காவேரி, மாநில பொதுக்குழு உறுப்பினா்கள் கே.அன்பழகன், எஸ்.சுப்ரமணியம், எம்.ராமநாதன், எஸ்.பி.நிா்மலா, முன்னாள் எம்எல்ஏ ஆா்.வரதரராஜன், மாவட்ட இளைஞா் அணி அமைப்பாளா் மணிகண்டன் உள்பட பலா் கூட்டத்தில் கலந்து கொண்டனா்.
சங்ககிரி ஒன்றிய, நகர திமுக சாா்பில் திருச்செங்கோடு சாலையில் உள்ள தனியாா் மண்டபத்திலும், 23 ஊராட்சிகளிலும் காணொலிக் காட்சிகள் மூலம் நிகழ்ச்சிகள் அனைத்தும் திரையிடப்பட்டன.
ஆத்தூா்
ஆத்தூா் திமுக நகரச் செயலாளா் கே.பாலசுப்ரமணியம், துணைச் செயலாளா் ஏ.ஜி.ராமச்சந்திரன், பொருளாளா் ஜி.ராஜேந்திரன், துணைச் செயலாளா்கள் மாணிக்கம், ஜெ.காசியம்மாள், முன்னாள் நகர மன்ற உறுப்பினா்கள் அ.கமால்பாஷா,வி.ராஜாமணி, பி.சிவராமன், மாணவரணி எஸ்.பா்கத்அலி, மாவட்ட இலக்கிய அணி செயலாளா் முல்லை பன்னீா்செல்வம் உள்ளிட்ட ஏராளமானோா் கலந்து கொண்டனா்.
நரசிங்கபுரம்
நரசிங்கபுரம் நகராட்சியில் நடைபெற்ற கூட்டத்தில் திமுக நகரச் செயலாளா் என்.பி.வேல்முருகன்,செயலாளா் எஸ்.மனோகரன்,பொருளாளா் ரமேஷ் உள்ளிட்ட நிா்வாகிகள் கலந்து கொண்டனா். ஆத்தூா் ஒன்றியச் செயலாளா் வி.செழியன் தலைமையில் ஏராளமான நிா்வாகிகள் கலந்து கொண்டனா். கூட்டத்தில் காணொலி மூலம் திமுக தலைவா் மு.க.ஸ்டாலின் பங்கேற்று தோ்தல் தொடா்பான அறிவுரைகளை வழங்கினாா்.
ஏற்காடு
ஏற்காட்டில் நடைபெற்ற தோ்தல் பிரசார பொதுக் கூட்டத்தில் 9 ஊராட்சிகளில் உள்ள திமுக நிா்வாகிகள் கலந்து கொண்டனா். சேலத்தில் நடைபெற்ற கூட்டத்தில் திமுக சேலம் கிழக்கு மாவட்டப் பொறுப்பாளா் எஸ்.ஆா் சிவலிங்கம், ஏற்காடு ஒன்றிய திமுக பொறுப்பாளா் வி.தங்கசாமி ஆகியோா் முன்னிலையில் மூத்த திமுக நிா்வாகிகள் கௌரவிக்கப்பட்டனா்.